Farmatsevtika menejmenti

16.4- jadval


Funksiyalarni samarali bajarishning me’yorlari

Funktsiyalarning murakkabligi koeffitsiеnti	1			2				3
Funktsiyalarning bir-biriga qo’shilishi koeffitsiеnti	3	2	1		3	2	1		3	2	1
Bajariladigan funktsiyalarning tavsiya qilinadigan soni	24	17	12		17	12	9		12	9	6

Farmatsevtika firmasining bosh direktori, odatda, funk­siyalar murakkabligining maksimal koeffitsiyentida va ularni bir-biriga qo‘shilishining eng past darajasida ishlaydi, shuning uchun u bajaradigan funksiyalarning soni 6 dan ortmasligi lozim. Ularning sonini 1—17 gacha orttirish zarur bo‘lganida, o‘rinbosarlarni tayinlash va ularga funksiya­lar­ning bir qismini o‘tkazish, bajariladigan ishning murak­kab­ligini kamaytirish, funksiyalarning bir-biriga qo‘shilish dara­jasini esa orttirish lozim.

Faoliyatning birgalikdagi ketma-ket turi vaqtinchalik taqsim­lanishi va unda har bir xodimning ishtirok etish (masalan, dorinomalarni qabul qilish, dorilarni tayyorlash, sifatini nazorat qilish, dorixonaning dorinomalar ishlab chiqarish bo‘limidan dorilarni chiqarish) tartibi bilan farqlanadi.
Faoliyatning birgalikdagi individual turi mehnatning ishtirok­chilari o‘rtasida bevosita o‘zaro bog‘lanishning minimal darajada bo‘lishi (yoki umuman bo‘lmasligi) bilan tavsiflanadi. Turli ijrochilarni faqat individual ravishda ishlov beriladigan mehnat vositasi birlashtiradi (masalan, dorixona faoliyatini turli mutaxassislar tomonidan tekshirilishi, tahlil qilinishi).
Birgalikdagi faoliyat ishlayotganlardan jamoa maqsadlariga, guruh ma’naviyatiga yo‘nalganlikni talab qiladi. O‘zaro bog‘lanishning turi korxona xodimlarining xususiyatlari va shaxsiy tavsifnomalari bilan belgilanadi. Faoliyatning birgalikdagi ketma-ket turi bilan shug‘ullanuvchi xodimlar uchun yuqori darajada intizomli bo‘lish, me’yorlar va qoidalarga qat’iy rioya qilish xususiyatlari xosdir. Birgalikdagi-individual turdagi faoliyat jarayonining ishtirokchilariga yuqori tashabbuskorlik, natijaga va individual yutuqlarga yo‘nalganlik, maqsadga erishish usullarini mustaqil ishlab chiqish va samarali harakat qilish xususiyatlari xosdir.