9. Yosh o’ttishi bilan taomlar miqdorini uchdan ikki qismga yoki teng yarmiga qisqartirish. Bu
yoshda iste‟mol qilinadigan ovqat tarkibidagi umumiy energiya bilan organizm tomonidan turli faoliyatlar
uchun sarflanadigan energiya o„rtasidagi muvozanat buziladi, ya‟ni qabul qilingan energiya ko„p, sarflanishi esa
kam bo„ladi. Bu vaqtga kelib vujud qabul qilingan oziq-moddalarni parchalab, hosil bo„lgan energiyani to„liq
holda jismoniy ish, harakatga o„tkazish imkoniyatiga ega bo„lmaydi, chunki endi yoshlik paytida bajariladigan
harakatlar, jismoniy faoliyat cheklanib qolgan bo„ladi. Shu bois parchalanib, energiyasi sarflanmagan oziq
moddalar, yog„ ko„rinishida zahira bo„lib teri tagida, ichki a‟zolar atrofida, muskul tolalarida to„planib,
semirishga olib keladi. Bu o„rinda shu narsani ham aytib o„tish joizki, hozir sayyoramizdagi 7 mld dan ziyod
aholining 30% oshiqcha tana vazniga ega. Ushbu holat kishilar orasida uchraydigan juda ko„p xastaliklarning
bosh sababidir. Ushbu holatning oldini olish uchun yoshi qaytgan kishilar ko„proq piyoda yurishi, suvda suzishi,
og„ir bo„lmagan jismoniy mashqlar bajarib turishi, transport vositalari sifatida esa imkon darajasida
velosipedlardan foydalanishlari lozim.
Do'stlaringiz bilan baham: |