Elektr stansiya, nimstansiyasining bir chiziqli sxemasi. Elektr stansiya, nimstansiyasi elektr qismining faqat bitta fazasi uchun ko‘rsatilgan bog‘lanishlar sxemasi.
Elektr stansiya, nimstansiyasining uch chiziqli sxemasi. Elektr stansiya, nimstansiyasi elektr qismining uchchala faza va neytral o‘tkazgichlari uchun ko‘rsatilgan bog‘lanishlar sxemasi.
3. Elektr stansiyalar va nimstansiyalarning asosiy jixozlari
3.1. Elektr kommutatsiya apparatlari
Elektr kommutatsiya apparati. Elektr zanjirini kommutatsiya qilish uchun mo‘ljallangan va tok o‘tkazadigan elektr apparat.
Kutblari alohida boshqariladigan apparat. Har qaysi qutbi alohida yuritmaga ega kontaktli kommutatsiya apparati.
Uzgich. Ikkita kommutatsiya holatiga ega bo‘lgan, tokni ulash va uzish uchun xizmat qiladigan apparat.
Avtomatik uzgich. Elektr zanjirini avtomatik kommutatsiya qilish uchun mo‘ljallangan uzgich.
Sinxron uzgich. Tok yoki kuchlanishning belgilangan fazasida kontaktlari maxsus avtomatik boshqarish tuzilmasi yordamida ajratiladigan uzgich.
Ajratgich. Kichik tokli yoki toksiz elektr zanjirni kommutatsiya qilish uchun xizmat qiladigan va havfsizlikni ta’minlash maqsadida uzilgan holati kerakli izolyatsiya oralig‘iga ega kontaktli kommutatsiya apparati.
Avtomatik ajratgich. Rele himoyasidan yoki boshqarish tuzilmasidan berilgan signal ta’sirida toksiz oraliq davomiyligida elektr zanjirni avtomatik uzuvchi kommutatsiya apparati.
Kisqa tutashtirgich. Elektr zanjirida sun’iy qisqa tuta-shuv hosil qilish uchun mo‘ljallangan kommutatsiya apparati.
Saqlagich. Himoya qilinadigan zanjirda qiymati belgilangan miqdordan
oshgan tok ta’sirida o‘ta qizib kuyadigan maxsus o‘tkazgichli kommutatsiya apparati.
Kontaktor. Normal qiymatli toklarni tez-tez kommutatsiya qilishga mo‘ljallangan va motorli yuritma bilan harakatga keltiriladigan ikki pozitsiyali, dastlabki holatiga o‘z-o‘zicha qaytadigan kommutatsiya apparati.
Do'stlaringiz bilan baham: |
