Ўзбекистон республикаси Олий ва ўрта махсус таълим вазирлиги Ўзбекистон республикаси хал

Шакллантириладиган таянч комптенциялар:
Шахс сифатида ўз-ўзини ривожлантириш компетенцияси: мустақил ўқиб-ўрганиш.
Ижтимоий фаол фуқаролик компетенцияси: муомала маданиятга эга бўлиш.
Математик саводхонлик, фан ва техника янгиликларидан хабардор бўлиш ҳамда фойдаланиш компетенцияси: мавзуга оид жадвалларни ўқий олиш.
4.Сўз туркумлари (64 соат)
Сўз туркумлари ҳақида умумий тушунча. Сўзларнинг маъно ва вазифасига кўра гуруҳ (туркумлар) га бўлиниши: от, сифат, сон, феъл.
От. Отларнинг шахс ва нарсаларнинг номини билдириши ва ким, нима сўроқларига жавоб бўлиши: отларнинг бирлик ва кўплик шаклида қўлланилиши, уларнинг ким, кимлар, нима, нималар сўроқларидан бирига жавоб бўлиши, –лар қўшимчасининг имлоси. От ясовчи қўшимчалар: –чи, -кор, -дош, -зор, -лоқ ва уларнинг имлоси.
Сифат. Сифатнинг шахс ва нарсалар белгисини билдириши ва қандай, қанақа сўроқларига жавоб бўлиши. Сифатнинг отга боғланиши. Сифатнинг маъно турлари. Сифат ясовчи қўшимчалар - ли, -сиз, -дор ва уларнинг маъноси.
Сон. Соннинг шахс ва нарсаларнинг саноғини, тартибини билдириши ва нечта, қанча, нечанчи сўроқларига жавоб бўлиши. Нечта, қанча шахс ва нарсалар миқдорини, нечанчи сўроғи шахс ва нарсаларнинг жойлашиш тартибини билдириши. Сонларнинг отларга боғланиб келиши, саноқни билдирган сонларга -та қўшимчасининг қўшилиши, -нчи (-инчи) қўшимчаларининг қўшилиб тартиб сонларни ҳосил қилиши. Сонларнинг сўз ва рақам билан ифодаланиши ва уларнинг имлоси.
Феъл. Феълнинг шахс ва нарсалар ҳаракатини билдириши, нима қилди, нима қиляпти, нима қилади сўроқлари, бўлишли ва бўлишсиз феъллар, бўлишсиз феълларнинг ҳосил қилиниши. Феъл ясовчи қўшимчалар.
Шакллантириладиган таянч комптенциялар:
Шахс сифатида ўз-ўзини ривожлантириш компетенцияси: мустақил ўқиб-ўрганиш.
Математик саводхонлик, фан ва техника янгиликларидан хабардор бўлиш ҳамда фойдаланиш компетенцияси: мавзуга оид жадвалларни ўқий олиш.