Ўзбекистон республикасининг жиноят кодекси

50-модда. Озодликдан махрум килиш

Озодликдан махрум килиш махкумни жамиятдан ажратиб жазони ижро этиш колонияси ёки турмага жойлаштиришдан иборатдир.

Озодликдан махрум килиш олти ойдан йигирма йилгача муддатга белгиланади.
Озодликдан махрум килиш ушбу Кодекснинг 60-моддасида назарда тутилган бир неча жазоларни кўшиш тартибида тайинланганда, унинг муддати йигирма беш йилгача белгиланиши мумкин.
Озодликдан махрум этишга хукм килинаётган аёлларга хамда олтмиш ёшдан ошган эркакларга нисбатан тайинланаётган жазо муддати ушбу Кодекс Махсус кисмининг тегишли моддасида назарда тутилган озодликдан махрум этиш энг кўп муддатининг тўртдан уч кисмидан ортик бўлиши мумкин эмас. (ЎзР 29.08.2001 й. 254-II-сон Конуни тахриридаги кисм)

ЎзР 29.08.2001 й. 254-II-сон Конунига мувофик тўртинчи, бешинчи ва олтинчи кисмлар тегишинча бешинчи, олтинчи ва еттинчи кисмлар деб хисоблансин

Озодликдан махрум этишга хукм килинаётган эркакларга нисбатан:

а) ижтимоий хавфи катта бўлмаган жинояти, эхтиётсизлик окибатида содир этилган унча огир бўлмаган жинояти учун озодликдан махрум этишга хукм килинаётганларга нисбатан жазони манзил-колонияларда; (ЎзР 29.08.2001 й. 254-II-сон Конуни тахриридаги кисм)
б) касддан унча огир бўлмаган ва огир жиноят содир этганлик учун биринчи марта озодликдан махрум этишга хукм килинаётганларга нисбатан жазони умумий тартибдаги колонияларда;
в) ўта огир жинояти учун хукм килинаётган ёхуд илгари касддан содир жинояти учун озодликдан махрум килиш тарикасидаги жазони ўтаб чикиб, касддан янги содир этган жинояти учун хукм килинаётган шахсларга нисбатан жазони каттик тартибли колонияларда;
г) ўта хавфли рецидивистларга нисбатан жазони махсус татибли колонияларда ўташ тайинланади. Авф этилиб, ўлим жазоси озодликдан махрум килиш билан алмаштирилган шахслар хам жазони махсус татибли колонияларда ўтайдилар. (ЎзР 27.12.1996 й. 357-I-сон Конуни тахриридаги кичик банд)
Озодликдан махрум этишга хукм килинаётган аёлларга нисбатан:
а) ўта огир жиноят учун ва ўта хавфли рецидивист деб топилганларга жазони каттик тартибли колонияларда;
б) ижтимоий хавфи катта бўлмаган жиноят, эхтиётсизлик окибатида унча огир бўлмаган жиноят содир этганларга нисбатан жазони манзил-колонияларда; (ЎзР 29.08.2001 й. 254-II-сон Конуни тахриридаги кисм)
в) бошка жиноятлар учун жазони умумий тартибли колонияларда ўташ тайинланади. (ЎзР 27.12.1996 й. 357-I-сон Конуни тахриридаги кичик банд)
Турмага камаш тарикасидаги озодликдан махрум килиш, жазонинг муайян кисмига, лекин беш йилдан кўп бўлмаган муддатга:
а) ўта хавфли рецидивистларга;
б) огир ёки ўта огир жинояти учун беш йилдан ортик муддатга озодликдан махрум этишга хукм килинган шахсларга нисбатан тайинланиши мумкин.