Ўзбекистон республикасининг жиноят кодекси

45-модда. Муайян хукукдан махрум килиш

Шахсни муайян хукукдан махрум килиш суд тайинлаган муддат давомида айбдорнинг корхоналар, муассасалар ёки ташкилотларда у ёки бу мансабни эгаллашини ёхуд у ёки бу фаолият билан шугулланишини такиклашдан иборатдир. Ана шундай мансаб ёки фаолиятнинг тури суд томонидан айблов хукмида кўрсатилади.

Муайян хукукдан махрум килиш айбдорнинг мансаби ёки иш фаолияти билан бевосита боглик бўлган жиноятни содир этганлиги учун асосий жазо тарикасида тайинланганда - бир йилдан беш йилгача муддатга, кўшимча жазо тарикасида тайинланганда - бир йилдан уч йилгача муддатга белгиланади.
Агар муайян хукукдан махрум килиш айбдорга асосий жазо тарикасида тайинланмаган бўлса, бундай жазо суд томонидан ушбу Кодекс Махсус кимининг тегишли моддасида назарда тутилган хар кандай турдаги жазога кўшимча жазо тарикасида тайинланиши мумкин.
Муайян хукукдан махрум килиш жазоси озодликдан махрум килиш, интизомий кисмга жўнатиш ёки камок жазосига кўшимча жазо тарикасида тайинланган бўлса, асосий жазонинг бутун муддатига, бундан ташкари суд хукми билан тайинланган муддатга жорий этилади. Бу жазо бошка асосий жазоларга кўшимча жазо тарикасида тайинланганда ва махкум шартли хукм килинганда унинг муддати хукм конуний кучга кирган вактдан бошлаб хисобланади.
46-модда. Ахлок тузатиш ишлари

Ахлок тузатиш ишлари шахс иш хакининг ўн фоизидан ўттиз фоизигача микдорини давлат даромади хисобига ушлаб колган холда уни мехнатга мажбуран жалб килишдан иборат бўлиб, жазо суднинг хукмига мувофик махкумнинг ўз иш жойи ёки мазкур жазо ижросини назорат килувчи органлар белгилаб берадиган бошка жойларда ўталади.

Ахлок тузатиш ишлари олти ойдан уч йилгача муддатга тайинланади.
Ахлок тузатиш ишлари пенсия ёшига етганларга, мехнатга кобилиятсизларга, хомиладор аёлларга, ёш боласини бокиш учун таътилда бўлган аёлларга ва харбий хизматчиларга нисбатан кўлланилмайди.
Агар шахс суд томонидан тайинланган ахлок тузатиш ишлари муддатининг жами бўлиб ўндан бир кисмидан кўпрогини ўташдан бўйин товласа, суд ахлок тузатиш ишларининг ўталмаган муддатини худди шу муддатга озодликдан махрум килиш тарикасидаги жазо билан алмаштиради. Жазони ўташдан бўйин товлаган вакт жазонинг ўталган муддатига кўшиб хисобланмайди.