Fuqarolik jamiyati taraqqiyotida
Download 1.49 Mb. Pdf ko'rish
|
FUQAROLIK JAMIYATI TARAQQIYOTIDA O’ZBEKISTONNI RIVOJLANTIRISH STRATEGIYASI
|
oltinchidan, o’tkaziladigan nazorat tadbirlarining sifatiga salbiy ta’sir
ko’rsatuvchi va insofli tadbirkorlik subyektlarining faoliyatiga aralashishlarni kamaytirishga to’sqinlik qiluvchi nazorat faoliyatini amalga oshirishda xavf- xatarlarni tahlil qilish va boshqarishning aniq tizimi yo’qligi; yettinchidan, mahalliy soliq va yig’imlarning ma’muriyatchiligi mexanizmlarining samarasizligi oqibatida ularning yig’iluvchanlik darajasi yetarli 106 emasligi, shuningdek, ko’chmas mulk va yer uchastkalarini to’liq hisobga olish va qiymatini obyektiv aniqlashning mavjud emasligi[58] bilan belgilanadi. Mavjud tizimli muammolarni bartaraf etish, 2017-2021 yillarda O’zbekiston Respublikasini rivojlantirishning beshta ustuvor yo’nalishi bo’yicha Harakatlar strategiyasida belgilangan soliq yukini kamaytirish va soliq solish tizimini soddalashtirish, soliq ma’muriyatchiligini takomillashtirish vazifalarini amalga oshirish maqsadida, shuningdek, keng jamoatchilik muhokamasi natijalari hamda Xalqaro valyuta jamg’armasi, Jahon banki va xalqaro ekspertlarning tavsiyalaridan kelib chiqib, O’zbekiston Respublikasining soliq siyosatini takomillashtirish konsepsiyasi ishlab chiqildi. Ushbu konsepsiyada quyidagi omillarni takomillashtirishga asosiy e’tibor qaratildi: – iqtisodiyotga soliq yukining darajasini kamaytirish, shuningdek, soliq solishning soddalashtirilgan va umumbelgilangan tizimi bo’yicha soliqlarni to’laydigan xo’jalik yurituvchi subyektlar o’rtasidagi soliq yuki darajasidagi nomutanosibliklarni bartaraf etish; – soliqlarni unifikatsiya qilish orqali ularning sonini optimallashtirish, shuningdek, o’xshash soliq solish bazasiga ega bo’lgan soliqlarni birlashtirish, soliq hisobotlarini qisqartirish va soddalashtirish, operatsion xarajatlarni minimallashtirish; – makroiqtisodiy vaziyatning barqarorligini, O’zbekiston Respublikasi Davlat byudjeti va uning daromadlarini shakllantirishning mustahkamligini ta’minlash; – soliq qonunchiligini soddalashtirish, soliq munosabatlari sohasida normativ- huquqiy hujjatlardagi qarama-qarshiliklar va ziddiyatlarni bartaraf etish, insofli soliq to’lovchilarning huquqlari va qonuniy manfaatlari himoyasini kuchaytirish; – soliq solish masalalarini tartibga soladigan havoyi normalar va qonun osti hujjatlarini maksimal darajada cheklagan holda, soliq qonunchiligining barqarorligini hamda O’zbekiston Respublikasi Soliq kodeksi normalarining to’g’ridan-to’g’ri amal qilishini ta’minlash, shu jumladan kodeksda soliqlar va boshqa majburiy to’lovlar stavkalarining miqdorlarini belgilash; 107 – xorijiy investorlar va investitsiyalar uchun qulay rejimni saqlab qolish, ularni har tomonlama qo’llab-quvvatlash va ishonchli huquqiy himoyalash; – soliq nazoratining shakl va mexanizmlarini, shu jumladan soliq solish obyektlari hamda soliq to’lovchilarni yanada to’liq qamrab olish va hisobini ta’minlaydigan zamonaviy axborot-kommunikatsiya texnologiyalarini keng joriy etish hisobiga takomillashtirish, transfer narxlarni shakllantirish bilan bog’liq operatsiyalarga soliq solish tartibini joriy etish, bosh maqsad sifatida belgilab berildi. Bir so’z bilan aytganda soliq tizimini yanada takomillashtirish, iqtisodiyotda xufiyona aylanmani qisqartirish va O’zbekiston Respublikasi soliq siyosatini takomillashtirish konsepsiyasining asosiy yo’nalishlarini hayotga tadbiq etish bugungi kundagi dolzarb vazifadir. Shu o’rinda, soliq ma’muriyatchiligini takomillashtirish strategiyasini amalga oshirish bo’yicha ishlab chiqilgan “Yo’l xaritasi”ni tadbiq etilishi, xo’jalik yurituvchi subyektlarni davlat soliq xizmati organlarida qo’shilgan qiymat solig’i to’lovchilari sifatida hisobga olish tartibi va tadbirkorlik subyektlariga soliq solishning soddalashtirilgan tartibini qo’llash mexanizmlarini takomillashtirilishi muhim ahamiyatga ega. Ushbu masalalar yechimini topilishi pirovard natijada raqobatbardosh ishlab chiqarishni rag’batlantirishga yo’naltirilgan soliqqa tortish va bojxona-tarif tizimini tartibga solish samarali tizimini shakllantirish, qo’shilgan qiymat solig’ini hisoblash va to’lashning amaldagi tartibidagi nomutanosibliklarga barham berish, barcha xo’jalik yurituvchi subyektlar uchun teng sharoitlarni ta’minlashda qo’shilgan qiymat solig’ining to’laqonli zanjirini yaratishga xizmat qiladi. Download 1.49 Mb. Do'stlaringiz bilan baham: 
|