Fuqarolik jamiyati taraqqiyotida

Davlat hokimiyati va 
boshqaruv organlari 
faoliyatini erkinlashtirish 
hamda ochiqligining 
ta’minlanishi

---

88 
Umuman olganda demokratik yangi umumqadriyat bu – jamiyat hayotining 
barcha sohalarini erkinlashtirish, uning ochiqligini ta’minlash va liberallashtirish 
siyosatidir. Bu maqsadga erishishda quyidagi jihatlarga e’tiborni qaratish zarur: 
Birinchidan, aholining siyosiy faolligini kuchaytirish, jamiyatda manfaatlar 
va qarama-qarshi kuchlar o’rtasida muvozanatni ta’minlaydigan kuchli 
mexanizmlarni shakllantirish zaruratiga asoslangan siyosiy soha ochiqligini hamda 
erkinligini ta’minlash. 
Ikkinchidan, eng avvalo, davlatning boshqaruv rolini chegaralashga xo’jalik 
yurituvchi subyektlarning iqtisodiy erkinliklarini hamda iqtisodiyotning barcha 
sohalarida xususiy mulk miqyoslarini kengaytirishi, mulkdorlarning mavqei hamda 
huquqlarini mustahkamlashga qaratilgan iqtisodiyot soha ochiqligini yanada 
erkinlashtirish.
Uchinchidan, hokimiyat barcha tarmoqlarining bir-biridan mustaqil holda ish 
yuritish tamoyillarini mustahkamlash, hokimiyat vakolatlarini nodavlat va jamoat 
tashkilotlariga, fuqarolarning o’zini o’zi boshqarish organlariga bosqichma-bosqich 
o’tkaza borish, ularning haq-huquqlari hamda erkinliklarini muhofaza etishga 
qaratilgan ochiq siyosatni kuchaytirishdan iborat davlat qurilishi va fuqarolik 
jamiyatini shakllantirish jarayonlarini erkinlashtirish. 
Bir so’z bilan aytganda demokratik taraqqiyot yo’lini tanlagan, ushbu 
sivilizatsiya sari yuz tutgan har qanday zamonaviy davlatda ochiq siyosat yuritishsiz, 
o’rtaga chiqayotgan muammolarni bartaraf etib bo’lmaydi. Aksincha, jamiyat 
hayotining barcha sohalarini erkinlashtirishning qayd etilgan ustuvor yo’nalishlari 
yaxlit mushtaraklikda O’zbekiston qanday strategik maqsad va vazifalar bilan XXI 
asrni boshlashi, nimalardan voz kechish, qanday yo’llar bilan hayotni yaxshilash, 
yangi asr boshida muqarrar muammolarning yechimi bilan bog’liq qanday 
taqdirilomon masalalarni birinchi galda hal qilish 
lozim, degan savollarga konseptual javob berish 
orqali bosh maqsadga erishish mumkin.