Gara Seýitliýew Saýlanan eserler

262
ADAM WE ADAMÇYLYK
«Aýby ýok aýrylsaň uly gullukdan,
Aýrylma kiçijik adamçylykdan».
Bu iki setiri täze göçürdim
Depdere edilen köne bellikden.
Şat meýlise şat ýigitler üýşende,
Şat boldum men, şat meýlisde şu tostdan,
Geçiň, dost başyna tupan düşende
Gam paýlaşmak üçin gelmedik dostdan!
ADAM WE AJAL
Gara deňziň kenarynda on günläp
Onuň tolkunlarnyň owazyn diňläp,
Dynç alyp ýatyryn hiç bir iş etmän,
Hatda gazet, žurnallara seretmän,
Habarlaram radiodan eşidýän,
Onam eşidemok on minutdan kän.
Günde bäş wagtyna garnym otaryp,
Güpüläp ýatmakdan başga kärim ýok.
Iň bolmanda bäş minutjyk oturyp.
Bir gazaljyk düzmäge-de tärim ýok.

---

263
Elim işden çykyp, kelläm pikirden,
Ýatyryn açylyp bilmän ukudan.
Ahyrda hiç zada galman mejalym,
Işsizlik gözüme göýä ajalym
Bolup görnüberdi, turdum howp alyp.
Işsiz ýatmak bilen arany ýolup,
Işe başladym men, galammy alyp.
Şu boldy ilkinji ýazan sözlerim:
« Bikar işsizlik hem birhili ölüm...»
Şu boldy ilkinji ýazan sözlerim: 
«Dirikä öleni görmesin gözüm..» 
ADAM WE DIRILIK
Oglunyň başyna geljek belany
Enesi duýarmyş diýýärler ilki.
Öz şahyr ogluny aljak belany
Seň ene topragyň duýandyr, belki,
Daşkendiň ýüregi titredi ilki.
Diýýärler: «Beýilik sadalykdadyr»,
Şol sadalyk üçin söýýärdik seni.

---

264
Diýýärler: «Ynsanlyk sadalykdadyr»,
Şol ynsanlyk üçin söýýärdik seni.
Şol sadalyk üçin söýýärdik seni.
Ynsansöýer şahyr Gapur Gulamy
Ynsanýetden ala bilmez hiç ölüm,
Dünýäsöýer şahyr Gapur Gulamy
Dünýämizden ala bilmez hiç ölüm.
Nowaýyny halkyň saklaýşy ýaly.
Seni hem ýürekde saklar illeriň.
Baky aýdymy bor ýaş nesilleriň
Goşgular bagynda eken gülleriň.
Seni hem ýürekde saklar illeriň.
Oglunyň başyna geljek belany
Enesi duýarmyş diýýärler ilki.
Öz şahyr ogluny aljak belany
Seň ene topragyň duýandyr, belki, 
Daşkendiň ýüregi titredi ilki. 

---