Геологик хариталарни ўҚиш ҳозирги вақтда геологлар ихтиёрида турли мазмундаги

Субвулканик дайкалар. Бундай дайкаларнинг таркиби андезит-
порфиритлардан ва диабазлардан иборат. Андезит-порфирит 
таркибли дайкалар Тошгаза тоғининг шимолий ёнбағрида 
ривожланган. Улар ўрта карбон минбулоқ свитаси туфотерриган 
ётқизиқларини ёриб чиққан. Субкенглик бўйича 150-250 м га 
чўзилган. Қалинлиги 2,5-8 м ни ташкил этади. Диабаз таркибли 
дайкалар Оқсоқота ва қашқасув дарёларининг қўшилувида, 
палеозойда ҳосил бўлган Оқсоқота ер ёриғи бурдаланиш зонасида 
ривожланган бўлиб, субкенглик йўналишида чўзилган. Бу зонада 2 та 
дайка мавжуд. Улардан шимолдагисининг узунлиги 450 м ни, 
қалинлиги эса 2,8 м ни ташкил этади. Иккинчи дайка биринчисига 
параллел ҳолда, ундан 200 м жануброқда жойлашган. Узунлиги 1500 
м дан ортиқ, қалинлиги 5,8 м. 
Субвулканик жинслар 
Гранит-порфирлар одатда қизғиш рангли. Порфир структурани 
шаффоф кварц кристаллари ташкил этади. Тоғ жинсларида кварц 
кристаллари текис тарқалган. Уларнинг тоғ жинсидаги миқдори 25-
30% ни ташкил этади, ўлчами 2-3 мм. Асосий масса фельзит 
структурали дала шпатларидан иборат этади. Баъзан пушти рангли 
калийли дала шпатларининг аниқ кристалларини кузатиш мумкин. 
Кварцли порфирлар қизилнура чўққиси ва унинг ёнбағирларидаги 
субвулкан штогини ташкил этади. 

---

41 
Граносиенит-порфирлар қизил ва қизғиш-пушти рангли, чала 
кристалланган. Кристалларнинг асосий қисмини калийли дала 
шпатлари ва кварц ташкил этади. Кам миқдорда қора рангли 
минераллар учрайди. Кристалларининг ўлчами 1 см га боради. 
Сиенит-порфиритлар оч пушти, қизил ёки қўнғирсимон. 
Порфир структурани калийли дала шпатлари ташкил этади. Оз 
миқдорда кварц ва қора рангли минераллар учрайди. Штоксимон 
субвулканик таналарда кенг ривожланган.