Ginekologik muolajalar. Yo’riqli-texnologik xarita tavaqali qin ko’zgusi yordamida tekshirish Ko’rsatma

YO’RIQLI-TEXNOLOGIK XARITA

Muolaja : Bakterioskopik tekshirish uchun surtma olish
Kerakli asbob- anjomlar: Rezina qo`lqop, ginekologik kreslo, steril kleyonka yoki salfetka, Folkman qoshiqchasi yoki tarnovsimon zond, buyum oynachasi, qoshiqsimon va yassi qin ko`zgulari.
Muolajaning bajarilishi:

1. 
   Surtma olish uchun kerakli asboblar tayyorlanadi.
   
2. 
   Hamshira qo`lini yuvib rezina qo`lqop kiyadi.
   
3. 
   Ginekologik kresloga steril klyo`nka yoki bir martalik salfetka to`shaladi.
   
4. 
   Ayol beligacha yechintirilib ginekologik kresloga yotqiziladi
   
5. 
   Tekshirish uchun uretradan, bachadon bo`yni kanalidan, qinning uchdan bir yuqori qismidan surtma olinadi.
   
6. 
   Uretraning orqa devori o`ng qo`lning ko`rsatgich barmog`I bilan yuqoridan pastga qarab yengil massaj qilinadi, so`ngra surtma olinadi.
   
7. 
   O`ng qo`ldagi Folkman qoshiqchasi yoki tarnovsimon zond bilan uretradan surtma olib, chap qo`ldagi buyum oynachasiga yupqa qilib surtiladi.
   
8. 
   Qinga qoshiqsimon ko`zgu kirgiziladi.
   
9. 
   Folkman qoshiqchasi yoki tarnovsimon zondning bir uchi bilan bachadon bo`yni kanalidan surtma olinib buyum oynachasiga surtiladi
   
10. 
    Folkman qoshiqchasining ikkinchi uchi bilan qinning orqa gumbazidagi ajralma sekretdan olinib, buyum oynachasiga surtiladi
    
11. 
    Ko`zgular qindan chiqariladi.
    
12. 
    Labaratoryaga tekshirish uchun yo`llanma yoziladi.
    
13. 
    Surtma qurigach yo`llanma bilan labaratoryaga topshiriladi.
    

Eslatma: Ayoldan surtma olishdan oldin qyuyidagilarga qat`iy e`tabor berish kerak: Qinni chayish, qinga dorilar bilan muolajalar o`tkazish mumkin emas; surtma siyishdan oldin olinadi.