Грунт ичида девор

Бинонинг ерости қисми монтажининг хусусиятлари. Бинонинг 
ер ости қисмини монтаж қилиш учун бинонинг ер усти қисмини барпо 
этиш 
учун 
лойиҳалаштирилган 
пневмоғилдиракли, 
автомобиль, 
гусеницали кранлардан, кран-нулевиклар ва минорали кранлардан 
фойдаланиш мумкин. 
Ишларнинг асосий хусусиятлари: 

ер ишлари билан боғлаш – монтаж қилувчи кран ёки котлованга 
туширилади ва унинг учун кирувчи пандус қурилади ёки кран учун 
котлован четида харакатланиш учун етарлича кенг жой қолдирилади; 

тупроқни қайта тўкиб тўлдириш ва қатлам – қатлам бўйича 
зичлаштиришнинг пухталиги, чунки тупроқни қайта тўлдириш зоналарида 
кўпинча жойлаштириладиган краности йўлларининг мустахкамлигини 
кафолатлаш зарур. 

---

10 
Агар бинонинг ер усти қисмини монтаж қилишда минорали крандан 
фойдаланиш назарда тутилган бўлса, у билан ер ости қисмини ҳам монтаж 
қилиш мумкин. Бу ҳолда кран ости йўллари ва краннинг ўзини монтаж 
қилишни пойдеворларни ётқизиш бошлангунга қадар тугаллаш зарур. Агар 
котлованнинг чуқурлиги катта бўлса ва краннинг котлован чети бўйлаб 
ҳаракатланишда ёнбағирнинг мустаҳкамлиги бузилиши мумкин бўлса, у 
ҳолда монтаж ишларини бир нуқтадан ва стрела қулочи узунлигида олиб 
бориш мақсадга мувофиқ. Бунда пойдевор ёстиқлари, ертўла деворлари 
блоклари, устёпма плиталари ўрнатилади, гидроизоляция қилинади, 
қўйинларга қайта тупроқ тортилади, яъни ёнбағирнинг (қияликнинг) 
бузилиш ҳавфини бартараф этувчи тирагич девор шакллантирилади.