*guliston davlat universiteti axborotnomasi, Tabiiy va qishloq xo‘jaligi fanlari seriyasi. 2019. №3 3

 
Тадқиқот объектлари ва методлари 
 
Юқоридаги мақсаддан келиб чиққан ҳолда 2017 йилда экма заъфарон ўсимлигининг 
Афғонистон, Ўзбекистон, Озарбайжон ва Голландия экоформаларидан иборат коллекцияси 
ташкил этилди. 
Ўсимликнинг интродукция шароитидаги биоэкологик хусусиятлари ўрганишда 
И.В.Белолипов ва бошқалар [4] эълон қилинган услубий кўрсатмалардан фойдаланилди. Экма 

---

*GULISTON DAVLAT UNIVERSITETI AXBOROTNOMASI,
Tabiiy va qishloq xo‘jaligi fanlari seriyasi. 2019. № 3*
 
5 
заъфароннинг гуллаш жараёнини тадқиқ этишда Х.К.Каршибоев томонидан тавсия этилган 
методлар қўлланилди [5]. Тажриба синов ишлари Тошкент вилоятининг Юқори Чирчиқ 
туманида олиб борилди. 
Олинган натижалар ва уларнинг таҳлили 
 
Ўсимлик туганак пиёзларнинг кўкарувчанлиги Ўзбекистон экоформасида 20-22 кунда, 
Озарбайжон экоформасида 25-28 кунда ва Афғонистон экоформасида 35-40 кунда ҳамда 
Голландия экоформасида 17-20 кунда кузатилди. Туганак пиёзларнинг кўкарувчанлиги
Голландия экоформасида 100%, Ўзбекистон экоформасида 90-92%, Озарбайжон экоформасида 
80-85% ёки Афғонистон экоформасида 25-30% ни ташкил этди. Ўсимликлар Голландия 
экоформасида 45-50 кунда, Ўзбекистон экоформасида 55-60 кунда, Озарбайжон ва Афғонистон 
экоформаларида 60-65 кунда генератив фазага кирди. Гуллаш жараёни ўсимликнинг барча 
экоформаларида 5-6 кунни ташкил этди. Гулнинг катталиги ва нисбатан чангчиларнинг 
узунлиги Голландия экоформасида сезиларли даражада яхши эканлиги кузатилди. 
Ўсимликларнинг куз ва қиш мавсумидаги вегетация ҳолати кузатилганда Ўзбекистон, 
Озарбайжон ва Голландия экоформаларига мансуб ўсимликларнинг ўсиш ва ривожланиш 
кўрсаткичлари яхши бўлди. Афғонистон экоформасига тегишли ўсимликларнинг ўсиш 
даражаси анча паст бўлиб, декабрь ойининг 3-чи ўн кунлигида 85-90 % ўсимликларнинг 
қуриганлиги кузатилди. Шунингдек, январь ва февраль ойларидаги кузатишлар натижаларига 
кўра, Ўзбекистон, Озарбайжон ва Голландия экоформаларига мансуб ўсимликларнинг совуққа 
чидамлилиги ижобий эканлиги қайд этилган бўлиб, ўсимлик баргларининг қиш мавсумида 
узунлиги тегишли ҳолда ўртача 15-17, 12-15 ва 22-23 см. ни ташкил этди.
2018 йилнинг август ойида экма заъфарон туганак пиёзлари мавжуд коллекциядан 
Тошкент вилояти Юқори Чирчиқ туманида жойлашган тажриба майдонларига бир вақтда 
экилди. Туганак пиёзлар экилганидан сўнг тупроққа тўлиқ жойлашишини таъминлаш 
мақсадида 7-8 августда биринчи марта суғориш тадбири ўтказилди.
Экма заъфарон туганак пиёзларида дастлабки ўзгаришлар 50-55-кунда кузатилди. Бу 
вақтга келиб, Ўзбекистон экоформасидан экилган туганак пиёзларда ўртача 7-8 дона 1-2 см ли, 
Озарбайжон ва Голландия экоформаларида 4-5 дона 1-2 см ли оқ коллиуслар пайдо бўлди. Бу 
жараён Афғонистон экоформасидаги туганак пиёзларда кузатилмади.
Сентябрь ойининг учинчи (25-30 сана) декадасида Ўзбекистон экоформасига мансуб 
туганак пиёзларда ўртача 50-55 дона 8-10 см. ли илдизлар оқиш тусдан кулранг тусга 
ўзгараётганлиги кузатилди. Ўртача ҳар бир пиёзда 6 дона қиз нишлар ва 1 дона гул нишлар 
мавжуд бўлиб, уларнинг узунлиги тегишли ҳолда 9-10 см ни ва 2-3 см ни ташкил этди. Ҳар бир 
туганак пиёзда ўртача 2-3 тадан ниш бўлиб, узунлиги 2-3 см га етди. Озарбайжон 
экоформасидаги туганак пиёзларда ўртача 40-45 та илдизларнинг узунлиги 6-7 см ни ташкил 
этган бўлиб, туганак пиёзларда ўртача 5 та қиз нишлар узунлиги 2-3 см дан ва 1 та гул ниш 
узунлиги 6-7 см. ни ташкил этди. Бу кўрсаткичлар Голландия экоформасидаги туганак 
пиёзларда қуйидагича: илдизлар сони 30-35 та ва тегишли 10-12 см. ли кулрангсимон оқ тусга 
эга. Мазкур экоформага мансуб ўсимликлар туганак пиёзларида 1 та гул ниш узунлиги 9-10 см 
ва 3-4 тадан ўртача қиз нишлар ўртача 2-3 см ни ташкил этган. Ҳар бир туганак пиёзда ўртача 
3-4 та нишлар мавжуд бўлиб, узунлиги 2-3 см ни ташкил этади. Афғонистон экоформасида эса 
бу кўрсаткичлар нисбатан паст бўлиб, туганак пиёзларда эндигина ниш уриш жараёни 
бошланди. Ҳар бир туганак пиёзда 20-25 тадан илдизлар кулранг тусга ўзгараётганлиги 
кузатилди. Бу илдизларнинг узунлиги 6-8 см ни ташкил этиб, жуда ҳам нозик, майин ипча 
кўринишга эга. Ҳар бир пиёзда узунлиги 6-7 см дан иборат 1 та гул ниш ва ўртача 2 та қиз 
нишлар шаклланган бўлиб, узунлиги 2-3 см ни ташкил этади.
Вегетация жараёнининг жадал босқичи сентябр ойининг охири ва октябр ойининг 
бошида кузатилди. Ўзбекистон экоформасига мансуб туганак пиёзлардан 20-21%, Озарбайжон 

---