Гулистон давлат университети бошланғич ва мактабгача таълим методикаси кафедраси

Ташкилий-бошқарув фаолиятда:

• 
  мактабгача таълимга оид турли тадбирлар, анжуман ва маърифий суҳбатларни ташкиллаштириш;
  
• 
  педагогик ва ахборот технологиялардан фойдаланган ҳолда ишлаб чиқариш жараёнлари мониторинги ва сифатини баҳолаш механизмларини ишлаб чиқиш;
  
• 
  атроф-мухитни муҳофаза қилиш ва меҳнат хавфсизлиги талабларига мос келиши борасида ишлаб чиқариш жараёнларини назорат қилиш;
  
• 
  жамоада ижтимоий ва маънавий-маърифий ишларни ташкил этиш ва бошқариш;
  
• 
  фикрлар ҳар хил бўлган шароитда тўғри қарор қабул қилиш;
  
• 
  бажараётган фаолияти бўйича иш режасини тузиш, назорат қилиш ва амалга оширилган ишнинг натижаларини баҳолаш қобилиятларига эга бўлиши керак.
  

3-мавзу: Мактабгача таълим бакалавриат таълим йуналиши ўқув режаси ва фан дастурлари мазмунига қўйиладиган умумий талаблар
Режа

1. 
   Талабалар ўзлаштиришлари зарур бўлган мажбурий блок фанлари
   
2. 
   Ўқув режанинг фанлар блоки мазмунига қўйиладиган талаблар
   
3. 
   Умумкасбий ва ихтисослик фанлари блоки мазмуни
   
4. 
   Қўшимча фанлар блоки ва танлов фанлари таркиби
   

1-асосий саволнинг баёни:
Мактабгача таълим бакалавриат таълим йўналиши ўқув режаси ва фан дастурлари умумий ўрта ва ўрта махсус, касб-ҳунар таълими билан узлуксизлик ва узвийлик таъминланишини инобатга олган ҳолда ишлаб чиқилган бўлиб, талабаларнинг қуйидаги мажбурий фанлар блокларини ўзлаштиришлари назарда тутилган:
гуманитар ва ижтимоий-иқтисодий;
математик ва табиий-илмий;
умумкасбий;
ихтисослик;
қўшимча фанлар.
Касб фаолияти кўникмаларини эгаллаш учун малака амалиётлари ўтилиши ҳам назарда тутилган.
Ўқув режалар мажбурий ўқув фанлари билан бир қаторда талабалар танлаган фанларни ҳам ўз ичига олади.
Бакалавриат таълим йўналиши ўқув режаси ва фанлар дастурларини ўзлаштиришда талабаларнинг ўқув фанларига оид бир қанча масалалар ва муаммолар бўйича мустақил билим олиши назарда тутилган.
Бакалавриат таълим йўналиши ўқув режасига мувофиқ равишда якуний давлат аттестацияси билан тугалланиши шарт.
Ўқув режага киритиладиган ихтисосликка оид фанларнинг амалий ва лаборатория машғулотлари олий таълим муассасаси, базавий ташкилот ва корхоналарда ўтказилади.
Назария ва амалиёт яхлитлигини таъмннлаш учун талабаларнинг малакавий амалиётлари таълим муассасалари, базавий ташкилот ва корхоналарда ўтказилади.