Гулистон давлат университети бошланғич ва мактабгача таълим методикаси кафедраси

9-мавзу: Мактабгача таълим муассасаси тарбиячисининг касбий компетентцияси
Режа

1. Мактабгача таълим бакалавриат таълим йўналиши битирувчиларининг касбий фаолият соҳалари
2. Мактабгача таълим муассасаси тарбиячисининг касбий компетентцияси даражасига қўйиладиган умумий талаблар
3. Бакалаврнинг касбий фаолиятига қўйиладиган малака талаблари
1-асосий саволнинг қисқача мазмуни.
Мактабгача таълим бакалавриат таълим йўналиши битирувчиларининг касбий фаолият соҳалари:
- мактабгача, мактабдан ташқари таълим муассасаларида, ўрта махсус, касб-ҳунар таълими тизимида мактабгача таълим ва мутахассислик фанларидан дарс бериш;
- таълим тизимида кабинет мудири, методист, лаборант ва унга тенглаштирилган лавозимларда ишлаш;

• 
  ижтимоий-гуманитар йўналишдаги илмий-тадқиқот ташкилотларида кичик илмий ходим бўлиб ишлаш;
  
• 
  халқ таълими бўлимлари ва уларнинг ваколатлари органларида, турли тадбиркорлик субъектларида, нодавлат нотижорат ва жамоат ташкилотларида ҳамда бошқа муассасаларда ишлаш;
  
• 
  маҳаллий ўз-ўзини бошқариш органлари ҳамда жойлардаги маънавият ва маърифат марказларида ишлаш;
  
• 
  ишлаб чиқариш соҳаларида, касбий таълим педагогикаси ва технологияси, ўқитишнинг дидактик воситаларини ишлаб чиқиш ва амалиётга жорий этиш.
  

Касбий фаолиятнинг объектлари:
Мактабгача таълим: узлуксиз таълимнинг қонун-қоидаларини оила, мактабгача таълим, маҳалла ҳамкорлигида фойдалана олиш, ингеграциялашган таълимни амалга ошириш, соғлом авлодни шаклланитиришни билиш ва уни амалиётда қўллай олиш, таълим технологиясини билиши, мактабгача таълим ихтисослиги бўйича илмий-тадқиқот жараёнлари масалаларни камраб олади.
Бакалаврнинг касбий фаолият турлари:
- педагогик;
- илмий-тадқиқот;
- маънавий-маърифий;
- ташкилий-бошқарув.