Guliston davlat universiteti mirhaydarov h. R

Muhokama uchun savollar:
1. «She’r poetikasi» kursi predmetini tavsiflang.
2. Kursning maqsadi va vazifasini izohlang.
1.2.-asosiy savol bo’yicha darsning asosiy maqsadi:
Talabalarga kursning mundarijasi va u nimadan bahs yuritishi haqida tushuncha berish.
Identiv o’quv maqsadlari:
1. «She’r poetikasi» bilan «She’rshunoslik» kursining mundarijasini farqlay oladi.
2. «She’r poetikasi» kursi nimalardan bahs yuritishini idrok etadi.
3. Kursning boshqa fanlar bilan aloqasini tushunadi.


1.2.-asosiy savolning bayoni:
Kurs she’r poetikasi tarixining ibtido davridan boshlab bahs yuritadi. Ilk davrida she’rning boshqa ifoda shakllari va san’at turlaridan farqi, janr ko’rinishlarining shakllanishi (marsiya, to’rtlik, munozara), ayrim uslubiy-tasviriy vositalar (o’xshatish, sifatlash, talmih)ning paydo bo’lishi borasida bahs ketadi. Shuningdek, nutq ko’rinishlari: og’zaki, yozma, badiiy, rasmiy, publitsistik, ilmiy nutq tasnifi va tavsifi haqida fikr boradi.
Kursni olib borishda poetik ritmga alohida e’tibor beriladi. Chunki o’zbek she’riyati tarixida ritmning rang-barang nav’lari paydo bo’ldi. Albatta, ular she’riy mazmun bilan bog’liq. «She’r poetikasi» kursining asosiy mundarijasini balog’at (badiiy kalom), fasohat (sintaksis), tasviriy-ifodaviy vositalar (stilistika) tashkil qiladi. Bundan tashqari she’r badiiyati, uni tahlil qilish mezonlari, lirik tarh (kompozitsiya), kichik lirik janrlar va g’azal kompozitsiyasi hamda poetikasi borasida ma’lumot beriladi.
“She’r poetikasi” kursiga she’r vazni, qofiya va band tuzilishi she’rga oid bo’lsa-da, ular mazkur kursning mundarijasiga kiritilmadi. Chunki she’r tizimi “Adabiyot nazariyasi” va “She’rshunoslik” maxsus kursida o’tilishi nazarda tutildi. Hazrat Alisher Navoiy aytganlaridek, “Aruz sharif fan”, u alohida kurs sifatida o’tilishini talab qiladi.
Qisqasi, kurs she’r poetikasi va uni nazmiy tahlil qilish siru sinoati haqida batafsil nazariy tushuncha berishga mo’ljallangan.