Хажибакиев шухрат хужаёрович

Сув ресурсларини муҳофаза қилиш соҳасида:

• 
  сув ресурслари йўқотишларини қисқартириш;
  
• 
  қишлоқ хўжалигида солиштирма гектарга нисбатан сув истеъмолини қисқартириш;
  
• 
  томчилатиб суғориш ва сувни тежовчи бошқа технологияларга ўтказилган қишлоқ хўжалигига мўлжалланган ер майдонларини кенгайтириш;
  
• 
  оқава сувларни тозалаш самарадорлигини ошириш;
  
• 
  саноатда сув таъминотининг айланма цикли амалиётини кенгайтириш;
  
• 
  республика аҳолисини марказлаштирилган канализация тизими билан таъминланиш қамровини ошириш
  

Атмосфера ҳавосини муҳофаза қилиш соҳасида:

• 
  атмосфера ҳавосига чиқариладиган чиқиндиларни камайтириш;
  
• 
  жамоат транспортини газ-баллон ёқилғиси ва электр энергиясида ишлашга ўтказиш;
  
• 
  амалдаги ишлаб чиқариш қувватларининг атмосфера ҳавосини ифлослантирувчи стационар манбаларида самарадорлиги 95 фоиздан паст бўлмаган чанг ва газларни тутиб қолувчи қурилмаларни қўллаш;
  
• 
  электр энергияси ишлаб чиқарадиган қувватларнинг умумий таркибида қайта тикланадиган муқобил манбалар (қуёш ва шамол энергияси) улушини кўпайтириш.
  

Биологик ресурсларни муҳофаза қилиш ва қайта тиклаш соҳасида:

• 
  I-V тоифадаги қўриқланадиган табиий ҳудудлар майдонини кенгайтириш;
  
• 
  табиий муҳитдан қизилмия, коврак, ковул ва бошқа турдаги доривор, озуқабоп ва техник ўсимликларни олишни қисқартириш;
  
• 
  қизил китобга киритилган, питомникларда етиштирилган чиройли тувалоқларни табиатга қўйиб юборишни кўпайтириш;
  
• 
  янги ташкил этиладиган қўриқланадиган табиий ҳудудларда жайронларнинг янги популяцияларини ташкил этиш;
  
• 
  ўрмонлар билан қопланган ўрмон фонди ҳудудини кўпайтириш
  

Чиқиндилар билан боғлиқ ишларни амалга ошириш тизимини такомиллаштириш соҳасида:

• 
  аҳолини қаттиқ маиший чиқиндиларни тўплаш ва олиб чиқиб кетиш хизмати билан қамраб олиш;
  
• 
  ҳосил бўладиган қаттиқ маиший чиқиндиларни қайта ишлаш ҳажмини ошириш;
  
• 
  тиббий чиқиндиларни йиғиш, зарарсизлантириш, утилизация қилиш ва кўмиш тизимини ташкил этиш.