Halqa xosil qilish jarayonlari ketma-ketligi va

 
1. Xalqa hosil qilishni tugallash. 
Bunda eski xalqa igna I tilchasi bo’ylab harakat qilib, igna o’zagiga sirpanib 
o’tadi. Agar tilcha yopiq holatda bo’lsa, eski xalqa ta’sirida tilcha ochiladi. Tilcha 
ochilganda uning uchi eski xalqadan yuqorida bo’ladi. Platina P burunchasi eski 
xalqani igna bilan yuqoriga ko’tarilishidan ushlab turadi, bu jarayon xalqa hosil 
qilishni tugallash jarayoni deb ataladi (2.8, a-rasm). 
2. Ipni ignaga qo’yilishi. 
3. Yangi ipni ignaning ilgagi ostiga kiritish. 
4. Igna ilgagi ostiga kirish yo’lini bekitish yoki siqish jarayoni. 
Xalqa hosil qilishni tugallash jarayoni bajarilgandan so’ng igna pastga tusha 
boshlaydi, bunda ignaga yangi ip qo’yiladi (2.8, b-rasm). Ignaning keyingi pastga 
tushishida yangi qo’yilgan ip ilgak ostiga kiritiladi. Igna strelka e bo’ylab yana 
ham pastga tushadi (2.8, d-rasm). Eski xalqa tilchaga ta’sir etib, uni yopa boshlaydi, 
bu siqish jarayoni deyiladi. 
5. Eski xalqani inganing yopiq tilchasi ustiga surish. 
6. Xalqalarning birlashishi. 
Igna o’z harakatini pastga davom ettiradi (2.8, e-rasm). Eski xalqa yopiq tilcha 
bo’ylab ignaning bosh qismiga suriladi. Eski xalqaning igna bosh qismiga surilishi 
natijasida uning yangi ip N bilan birlashuvi sodir bo’ladi. Platina esa orqaga mashina 
markaziga surilgan holatda qoladi. Yangi ip egilmaguncha xalqani tashlash jarayoni 
amalga oshmaydi, ya’ni eski xalqani yangi xalqa ustiga tashlashdan oldin igna ilgagi 
ostidagi yangi ipni egib olish zarur. 
7. Ipni egish.
8. Xalqani tashlash. 
Igna pastga harakatlanishda davom etadi (2.8, f-rasm). Yangi ip platina bilan 
igna ta’sirida egiladi va eski xalqa yangi xalqa ustiga tashlanadi. Eski xalqani yangi 

---

xalqa ustiga tashlash jarayonini yengillashtirish uchun kam eshilgan (крутка) 
kalava ip qo’llanilishi va iplar orasidagi ishqalanish koeffitsienti kamaytirilishi 
maqsadga muvofiq bo’ladi.