Hayot faoliyati

Miokard infarkti

Yurak muskullari to‘qimalarida qon oqimi yetarlicha

bo‘lmasa, ular o‘la boshlaydi. Yurak to‘qimalarining bir qismi

keng ko‘lamda o‘lgan hollarda yurak yaxshi qisqarishiga qodir

bo‘lmaydi. Toj tomirining bexos tiqilib qolishi qon bilan

ta’minlanishning buzilishiga, natijada yurak muskuli o‘lishiga

olib keladi. Toj tomirining bunday tiqilishi yurak maromi va

qon aylanishi buzilishiga ham olib kelishi mumkin. Jabrlanuvchi

hayoti xavf ostida qoladigan holatga tushib qolishi mumkin.

Yurak kasalliklarining oldini olish

Stenokordiya va miokard infarkti

garchi to‘satdan ro‘y bersa-da, yurak–

qon tomir kasalligi asta-sekin kuchayib

boradi. Insonda yurak kasalligi ehtimolini

oshiradigan xavfli omillar xilmaxildir.

Ba’zi omillarga tasir ko‘rsatib

bo‘lmaydi. Masalan, erkaklarda bunday

kasallik xavfi ayollardagiga nisbatan kuchliroq. Agar oilangizda

176

kimdir yurak kasalligidan aziyat chekkan bo‘lsa, sizda ham bu

kasallikning paydo bo‘lishi ehtimoli kuchliroq. Shunday bo‘lsada,

xavfli omillarning ko‘pchiligini boshqarish mumkin. Boshqariluvchan

xavfli omillarga quyidagilar kiradi:

-chekish;

-yog‘li ovqat;

-qon bosimining balandligi;

-semizlik;

-jismoniy mashqlarni muntazam bajarmaslik.

Bir xavfli omil, masalan, qon bosimining balandligi, boshqalari

– ortiqcha semizlik, chekish bilan qo‘shilib kelsa, yurak

xuruji yuzaga kelish ehtimoli ortadi. Xavfli omillarni nazorat

qilish kelajakda kasallikning yuzaga kelishi ehtimolini

kamaytirish uchun hayot tarzini o‘zgartirishni o‘z ichiga oladi.