Hayotning 101 qoidasi Uzbekistan 978-613-9-45185-2

9. 
Chiroyli qilib yo’q deyishni o’rganing
 
Hayotda muhim bo’lgan narsalarni bilmasdan turib, so’ralgan har narsaga ha deb javob 
berish juda oson. Agar kunlaringiz boy va ruhlantiruvchi kelajak tasavvuringiz 
tomonidan boshqarilmasa, tugallangan natijaning aniq ko’rinishi sizni ko’proq maqsadli 
harakat qilishingizda yordam beradi. Atrofingizdagilar uchun sizning harakatlaringizni 
nazorat qilish qiyin emas. “Ferrarisini sotgan rohib” asarimda yozganimdek: “Agar 
muhim bo’lgan vazifalaringni rejalashtirib qo’ymasang, boshqalarning, muhim ishlari 
sening rejangga suqilib kiradi. Yechim esa oddiy. Hayotingizning eng yuqori 
maqsadlarini aniqlashtirib olish va muloyimlik bilan “yo’q” deyishni o’rganishdir”.
Xitoy donishmandi Chuang-Tzi qilichsoz haqidagi hikoyasini maharajaga aytib 
beribdi. U hatto 90 yoshida ham uning ishlari favqulotda aniqlik va qobiliyat bilan 
bajarilar ekan. U qanchalik shoshilmasin arzimagan xatoliklarni ham qilmagan. Bir kuni 
maharaja bir qariyadan so’rabdi: “Mana shunday ajoyib natijaga erishishingizda tug’ma 
qobiliyat sabab bo’lganmi yoki bu yerda boshqa muhim usul bormi?” “Bu - muhim 
bo’lgan narsalarga e’tibor qilishda”,- deb javob beribdi qilich yasovchi. “21 yoshimda 
qilichga ishlov berishni boshlaganman. O’sha paytda bundan boshqa narsaga e’tibor 
qilmasdim. Agar bu - qilich bo’lmaganida, men bunga qaramasdim va e’tibor ham 
qilmasdim. Qilich yasash mening maqsadim va jo’shqinligimga aylandi. Men barcha 
kuchimni boshqa keraksiz yo’nalishlardan ko’ra, o’zimning san’atimga bag’ishladim. 
Mana shu - mening mahoratimning siri”.
Muvaffaqqiyatli insonlar qaysi sohada yaxshi bo’lsalar, o’sha sohaga ko’proq e’tibor 
qaratishadi. Yoki o’zlari eng yaxshi ishlarni bajara oladigan harakatlarga diqqatlarini 
qaratishadi. Sababi yuqoridagilar omadli insonlarning hayotlarini, ishini yaxshilashga 
sababchi bo’ladi. Muhim vazifalar bilan o’rab olingandan so’ng ular e’tiborlarini 
chalg’itadigan arzimas narsalarga osonlikcha yo’q deb ayta oladi. Eng zo’r basketbol 
o’yinchisi Maykel Jordan o’yin tarixida shartnomalarga, formasining dizayni yoki 
sayohat jadvali kabi mayda-chuyda narsalarga e’tibor qilmagan. U faqatgina bor kuchini 
u eng zo’r bo’lgan ishga sarflardi, ya’ni basketbol o’ynash va bor kuchini qo’llariga 
bag’ishlash edi.

---

13
Jazz qiroli Lous Armstrong auditoriyada shunchaki o’tirish yoki o’zining shousi uchun 
chiptalarni sotish bilan vaqtini sarflamagan. U o’zining mukammalligiga, ya’ni truba 
chalishga diqqat qilgan. Keraksiz narsalarga yo’q deyishni o’rganish, haqiqattan ham 
hayotingizni yaxshilaydigan ishlarga ko’proq vaqt ajratishingizga imkon va 
qalbingizdan voz kechishini chamalayotgan narsalarni tashlashga yordam beradi.