Ha’zirgi ku’nde kishi biznes ha’m isbilermenlikti rawajlandırıw elimizde
Download 1.2 Mb. Pdf ko'rish
|
Isbilermenlik tiykarlari\'
|
3 KİRİSİW Ha’zirgi ku’nde kishi biznes ha’m isbilermenlikti rawajlandırıw elimizde a’melge asırılıp atırg’an ekonomikalıq reformalardın’ en’ a’hmiyetli bag’darlarınan biri bolıp tabıladı. Ba’ntlilik mashqalasın sheshiw ha’m ekonomikanın’ ba’sekige shıdamlılıg’ın arttırıwdag’ı imkanıyatların inabatqa alıp, ma’mleketimizde kishi biznes ha’m jeke isbilermenliktin’ rawajlanıwına ayrıqsha itibar berilmekte. Kishi biznes ha’m jeke isbilermenlikke ma’mleket ta’repinen belgili bir sharayatlar jaratılg’anda g’ana a’melge asırılıwı mu’mkin. Onın’ sho’lkemlestiriliwi da’slep ja’miyettegi belgili bir jag’daydın’ ju’zege keliwi menen baylanıslı bolıp, ondag’ı siyasiy ha’m ekonomikalıq jag’day isbilermenlik xızmetinin’ sho’lkemlestiriliwine bag’darlang’an boladı. Sonlıqtanda O’zbekstan Respublikasında kishi biznes ha’m jeke isbilermenlikti qollap-quwatlaw boyınsha Prezidentimiz İ.A. Karimovtın’ baslaması menen 2011-jıl Kishi biznes ha’m isbilermenlik jılı dep qabıl etildi ha’m kerekli nızamlar, qararlar, pa’rmanlar ha’m sol siyaqlı huquqıy-normativ hu’jjetler qabıl etilgen bolıp, olar turmısqa engizilmekte. İsbilermenlik xızmetinin’ keleshegi isbilermenlik ortalıg’ı menen belgilenedi, bul ja’miyettegi sotsial- ekonomikalıq jag’daydı sa’wlelendiredi. Sotsial-ekonomikalıq jag’dayg’a ekonomikalıq erkinlik, isbilermenler klası, ekonomikalıq baylanıslarda bazardın’ u’stinligi, isbilermenlik kapitalın birlestiriw sharayatının’ bar ekenligi ha’m kerek bolg’an resurslardı isletiw kiredi. Kishi biznes h’am isbilermenlikti rawajlandırıw ma’mleketimizdin’ ekonomikalıq siyasatının’ tiykarg’ı strategiyalıq bag’darlarınan biri bolıp esaplanadı. Bul haqqında elimiz Prezidenti İslam Karimovtın’ O’zbekstan Respublikası Konstitutsiyası qabıl etilgeninin’ 18 jıllıg’ına bag’ıshlang’an saltanatlı ma’jlisinde shıg’ıp so’ylegen so’zinde «Bu’gingi ku’nde kishi biznes ha’m jeke isbilermenlik o’zinin’ ekonomikamızdag’ı ku’ta’ a’hmiyetli ha’m salmaqlı u’lesi, roli ha’m ta’siri, a’piwayılastırıp aytqanda, basqa hesh bir taraw ha’m jo’nelis ornın basa almaytug’ın u’lken a’hmiyeti menen ma’mleket ha’m ja’miyetimiz rawajlanıwında ayrıqsha orın iyeleydi. ...Eger, 2000-jılda ma’mleketimiz jalpı ishki o’nimnin’ 30 protsenti kishi biznes subektleri ta’repinen islep shıg’arılg’an bolsa, qısqa bir da’wirde, yag’nıy, 2010-jıldın’ juwmag’ı menen bul ko’rsetkish 53 protsentke jetiwi ku’tilip atırg’anına hesh gu’man joq, a’ne sonday jumıslarımızdın’ logikalıq na’tiyjesi. Bul haqqında so’z etkende, kishi biznes ha’m jeke isbilermenlik adamlarımız ushın jan’a 4 jumıs orınların ashıw, bir tegis da’ramat dereklerin jaratıwdın’ en’ a’hmiyetli ilajına aylanıp atırg’anına ayrıqsha dıqqat qaratpaqshıman. Ha’zirgi ku’nde ma’mleketimizdegi jumıs penen ba’nt xalıqtın’ 74 protsentten aslamı a’yne usı tarawda miynet etip atırg’anı da sonnan da’rek beredi» 1 dep o’z aldına ta’kirarlap o’tiwi elimizde kishi biznes ha’m jeke isbilermenlikti rawajlandırıwdı jan’a basqıshlarg’a ko’teriwdi na’zerde tutadı. Ha’zirgi waqıtta bul taraw milliy ekonomikanın’ o’siw pa’tin jedellestriwde g’ana emes bu’gingi ku’n ushın aktual esaplang’an xalıqtı jumıs penen ta’miyinlew ha’m onın’ turmıs da’rejesin asırıw ma’selelerin sheshiwde de jetekshi orındı iyelemekte. Biraq sonın’ menen birge, bul salada da ayırım mashqalalar ushırasıp turadı. Bunın’ tıykargı sebebi, kishi biznes ha’m isbilermenlik xizmetin baslap atırg’an shaxslardın’ jumıstı neden baslaw kerekligi, onı qanday etip sho’lkemlestiriw za’ru’rligi ha’m basqarıw sırları haqqında tolıq tu’sinikke iye bolmawı bolıp tabıladı. Usı ta’repten alıp qarag’anda, bul oqıw qollanba joqarıda aytıp o’tilgen mashqalalardı na’tiyjeli sheshiwge u’lken u’lesin qosadı. Bul oqıw qollanba tek student jaslar ushın g’ana emes, barlıq saladag’ı qa’nigeler, kishi biznes ha’m isblermenlikke qızıg’ıwshılarg’a da u’yreniwge qolaylı bolıp tabıladı. Oqıw qollanbada kishi biznes ha’m isbilermenlik subektlerin basqarıw, bazardı u’yreniw, bizneste ha’m isbilermenlikte dus keletug’ın ta’wekelshilik qa’wip-qa’terlerin kemeytiw, islep shıg’arıw qa’rejetlerinin’ quramı ha’m o’nimnin’ o’zine tu’ser bahasın anıqlaw, o’nimge durıs bahanı belgilew menen baylanıslı ma’selelerdi u’yreniwdi o’z ishine alg’an. 1 « Elimizdi modernizatsiyalaw jolın izbe-iz dawam ettiriw-rawajlanıwımızdın’ a’hmiyetli faktorı» Prezident İslam Karimovtın’ O’zbekstan Respublikası Konstitutsiyası qabıl etilgeninin’ 18 jıllıg’ına bag’ıshlang’an saltanatlı ma’resimdegi bayanatı.//Erkin Qaraqalpaqstan, 2010 jıl 8-dekabr №147 5 Download 1.2 Mb. Do'stlaringiz bilan baham: 
|