Hujjat 25. 07. 2017 sanasi holatiga Amaldagi versiyaga o‘tish [okoz: 1
V. O‘ZBEKISTON RESPUBLIKASIDA BO‘LISh MUDDATINI QISQARTIRISh VA UNDAN
Download 182.37 Kb. Pdf ko'rish
|
(invalid)
|
V. O‘ZBEKISTON RESPUBLIKASIDA BO‘LISh MUDDATINI QISQARTIRISh VA UNDAN
ChIQARIB YuBORISh 37. Mazkur qoidalarni buzganlik uchun xorijiy fuqarolar O‘zbekiston Respublikasining amaldagi qonunchiligiga muvofiq javobgarlikka tortiladilar. Mazkur qoidalarning talablariga rioya qilishga majbur bo‘lgan shaxslar (shu jumladan xorijiy fuqarolarni respublikaga xususiy ishlar bo‘yicha taklif qilgan yoki ularga xizmat ko‘rsatayotgan shaxslar) tomonidan ularning buzilishi O‘zbekiston Respublikasi qonunchiligiga muvofiq javobgarlikka sabab bo‘ladi. 38. O‘zbekiston Respublikasi qonunchiligini yoki mazkur qoidalarni buzgan xorijiy fuqaroning O‘zbekiston Respublikasida belgilangan bo‘lish muddati qisqartirilishi mumkin. Xorijiy fuqaroning O‘zbekiston Respublikasida bo‘lish muddati uning bundan buyon bu yerda bo‘lishi uchun asos yoki mablag‘ bo‘lmagan hollarda ham qisqartirilishi mumkin. 39. Xorijiy fuqaroning O‘zbekiston Respublikasida bo‘lish muddatini qisqartirish va uni respublika hududidan chiqarib yuborish qonunda belgilangan tartibda amalga oshiriladi.
40. Xorijiy fuqaro O‘zbekiston Respublikasida bo‘lish qoidalarini buzgan taqdirda, ya’ni O‘zbekistonda yashash huquqini beruvchi hujjatlarsiz yoki haqiqiy bo‘lmagan hujjatlar bo‘yicha yashaganda, vaqtincha yoki doimiy ro‘yxatdan o‘tishning, harakatlanish yoki yashash joyini tanlashning belgilangan tartibiga rioya qilinmaganda, bo‘lish muddati tugagandan keyin chiqib ketishdan bosh tortganda, O‘zbekiston Respublikasi hududi orqali tranzit o‘tish qoidalariga rioya qilmaganda, keyinchalik O‘zbekiston Respublikasiga kelish huquqini bir yildan uch yil muddatgacha cheklangan holda O‘zbekiston Respublikasidan chiqarib yuborilishi mumkin. Xorijiy fuqaro O‘zbekiston Respublikasi hududida sodir etilgan jinoyat uchun sud tomonidan tayinlangan jazoni ijro etgandan yoki o‘tagandan yoxud qonun hujjatlarida nazarda tutilgan hollarda jinoiy javobgarlikdan yoki jazodan ozod qilingandan so‘ng, keyinchalik O‘zbekiston Respublikasiga kelish huquqi cheklangan holda: ijtimoiy xavfi katta bo‘lmagan va uncha og‘ir bo‘lmagan jinoyatlar sodir etganligi uchun — besh yilga; og‘ir jinoyatlar sodir etganligi uchun — o‘n yilga; o‘ta og‘ir jinoyatlar sodir etganligi uchun — umrbod O‘zbekiston Respublikasidan chiqarib yuboriladi Xorijiy fuqaroga O‘zbekiston Respublikasiga kelish huquqini cheklash muddati, u O‘zbekiston Respublikasi hududidan chiqarib yuborilgan (Davlat chegarasini kesib o‘tish) paytdan boshlab hisoblanadi.
41. Xorijiy fuqaroning O‘zbekiston Respublikasida bo‘lishi muddatini qisqartirish va uni respublikadan chiqarib yuborish to‘g‘risidagi qarorni O‘zbekiston Respublikasining vakolatli organlari qabul qiladilar. Xorijiy fuqaro shu qarorda ko‘rsatilgan muddatda O‘zbekiston Respublikasidan chiqib ketishga majburdir. Bunday hollarda chiqib ketishdan bosh tortgan xorijiy fuqarolar qonunchilikka muvofiq majburiy tartibda chiqarib yuboriladi. Xorijiy fuqaroga berilgan viza u O‘zbekiston Respublikasidan chiqarib yuborilganda bekor qilinadi. 42. Qabul qiluvchi tashkilotlar va xususiy shaxslar o‘z takliflari bo‘yicha O‘zbekiston Respublikasida turgan xorijiy shaxslarning O‘zbekiston Respublikasida bo‘lishi muddatlarini qisqartirish va uning hududidan chiqarib yuborish to‘g‘risidagi iltimosnoma bilan ichki ishlar organlariga murojaat qilishlari mumkin. 43. Xizmat, xususiy, savdo yoki jamoat ishlari bilan, o‘qish, malaka oshirish, ishlash uchun yoki turist sifatida kelgan xorijiy fuqarolarni O‘zbekiston Respublikasidan chiqarib yuborish xarajatlari O‘zbekiston Respublikasidagi chiqarib yuborilayotgan xorijiy fuqarolarni o‘z taklifi bo‘yicha qabul qilgan tashkilotlar va xususiy shaxslar hisobidan amalga oshiriladi. Boshqa xorijiy fuqarolarni, shu jumladan, O‘zbekiston Respublikasida doimiy yashovchi fuqarolarni chiqarib yuborish xarajatlari ichki ishlar organlari hisobidan amalga oshiriladi. 44. Xorijiy fuqaro o‘zining O‘zbekiston Respublikasidan chiqarib yuborilishi va O‘zbekiston Respublikasida bo‘lishi muddatini qisqartirish to‘g‘risidagi qaror ustidan O‘zbekiston Respublikasi qonunchiligida nazarda tutilgan tartibda va asosda shikoyat qilishga haqlidir. 45. Mazkur Qoidalarning 37—43-bandlaridagi qoidalar O‘zbekiston Respublikasi qonunchiligi va xalqaro shartnomalariga, shuningdek, xalqaro huquq normalariga muvofiq imtiyozlar va immunitetlardan foydalanuvchi shaxslarga nisbatan qo‘llanmaydi.
Vazirlar Mahkamasining 1996-yil 21-noyabrdagi 408-son qaroriga 3-ILOVA
Download 182.37 Kb. Do'stlaringiz bilan baham: 
|