Хусусиятлари худойберди Пўлатов Ўктамович

---

JOURNAL OF MARKETING, BUSINESS AND MANAGEMENT(JMBM)/SJIF FACTOR: 5.57 
www.jmbm.uz VOLUME 2, ISSUE 1 (April) ISSN: 2181-3000 
Page 79 
«СЧЁТЛАР ТИЗИМИ ВА ИККИ ЁҚЛАМА ЁЗУВНИНГ МОХИЯТИ ВА 
ХУСУСИЯТЛАРИ» 
 
Худойберди Пўлатов Ўктамович 
СамИСИ катта ўқитувчиси 
 
Аннотация. Ушбу мақолада бухгалтерия ҳисобининг счётлар тизими ва 
икки ёқлама ёзувнинг мохияти ва унинг хусусиятлари, қонуний ва асосланган 
стандартлар орқали амалий тастиқ топилишини ҳам зарурияти ва аҳамияти 
хусусида тушунтириш ишлари ва таклифлар келириб ўтилган. 
Калит сўзлар: Бухгалтерия ҳисоби, икки ёқлама ёзув, счётлар 
режаси,бош қолдиқ, дебет оборот, кредит оборот, актив, пассив.
Annotation. In this article, clarifications and suggestions are made regarding 
the essence and features of the accounting system of accounts and double-sided 
recording, as well as the necessity and importance of finding practical confirmation 
through legal and based standards. 
Keywords: Accounting, double-entry, chart of accounts, general balance, debit 
turnover, credit turnover, assets, liabilities. 
 
Кириш. Ўзбекистон Республикаси 21-сон БҲМСга асосан айнан
«Счётлар режаси» бўйича ўрнатилган стандартларга мувофиқ «Бухгалтерия
счёти-корхоналар иқтисодий ресурсларининг ҳолати ва ҳаракати ҳақидаги 
бухгалтерия ахборотини қайд этиш ва сақлаш услуби ва уларга бўлган 
талаблар» каби бир қатор стардартга асосланган меъёрлар айтиб ўтилган. Биз 
айтиб ўтилган ушбу қоидага мувофиқ бухгалтерия счёти- бу хўжалик 
субъектига таалуқли бир хил турдаги гурухларнинг хар биттасининг 
харакатини алохида пул кўринишида хамда бухгалтерия ёзувларида маблағлар 
ва уларни ташкил топиш манбаларини икки ёқлама ёзув (дебети ва кредити 
бўйича) усулида доимий ҳисобга олиб боришга мўлжалланган бухгалтерия 
ҳисобидаги ҳисоб элементи каби таъриф қўшсак бўлади. Амалдаги тартиб 
юзасидан ҳозирги вақтда бухгалтерия ҳисобида унинг ҳар бир объектини акс 
эттириш учун алоҳида счётлар кўзда тутилади. Ҳар бир счёт ўзининг тартиб 
рақамига ва аниқ номига эга бўлади. Одатда, счётнинг номи объектнинг номи 
билан бир ҳил бўлади. Барча қўлланиладиган счётларнинг тартиб рақамлари ва 
аниқ номлари махсус счётлар режасида ўз аксини топади. Айнан шу маълум 
станларт билан бугунги кунда бухгалтерия сохаси яхши ривожланиб келмоқда.