I – Бўлим I- боб. Техник эксплуатация қилишни ташкилаштириш

 
740. 
1000 В дан юқори кучланишли кабел линияларини эксплуатация қилишга топширишда соҳанинг 
қабул қилиш қоидаларида кўрсатилган ҳужжатлардан ташқари қуйидаги ҳужжатлар расмийлаштирилиши 
(тузилиши) ва энергетик корхонага топширилиши шарт: 
трассаларнинг бажарилган чизмаси, бирлаштирувчи муфталарнинг жойлашиши кўрсатилиши билан 
ҳамда берилган районда трассанинг коммуникацион ривожланишига қараб 1:200 ва 1:500 масштабдаги 
трассаларнинг бажарилган чизмаси; 
кабел линияларининг ўзгартиришлар киритилган лойиҳалари, бунда 110 кВ ва ундан юқори кучланишли 
кабел линиялари ётқизилишидан олдин эксплуатация қилувчи ташкилот билан ва кабелларнинг 
русумлари ўзгартирилган ҳолатда эса, ишлаб чиқарувчи-завод ва эксплуатация қилувчи ташкилот билан 
келишилган бўлиши шарт; 
кучланиши 35 кВ ва 6-10 кВ кучланишли ўта қийин трассали кабел линиялари учун йўл ва бошқа 
коммуникацион қурилмалар билан кесишув жойлари кўрсатилган кабел линияларининг чизмаси; 
кабелларнинг барабанлардаги ҳолати ҳақидаги далолатномалар ва зарур бўлганда кабел намуналарининг 
кўздан кечирилганлиги ва разделка қилиниб текширилганлиги ҳақидаги баённомалар, (чет элдан 
келтирилган кабеллар разделка қилиниб текширилиши мажбурий); 
кабеллар журнали; 
кабел линияларининг барча элементларининг инвентар ёзуви; 
кабелларнинг барча ерости коммуникациялар билан яқинлашиши ва кесишуви кўрсатилган қурилиши ва 
кўмиш ишлари далолатномалари; 
кабел муфталарини монтаж қилиш далолатномалари; 
траншеяларнинг, бакларнинг, қувурларнинг, каналларнинг монтаж қилиш учун қабул қилиш 
далолатномалари; 
кабел линияларининг электрокимёвий занглашдан ҳимоя қилувчи қурилмаларининг монтаж 
қилинганлиги тўғрисида ҳамда занглаш синовлари хулосалари лойиҳага мувофиқ эканлиги тўғрисидаги 
далолатномалар; 
кабел линиялари изоляцияларининг ётқизилгандан кейин юқори кучланишли синовлар баённомаси; 
изоляция қаршиликларини ўлчаш хулосалари; 
траншея ва каналларда ётқизилган кабелларнинг ёпилиши олдидан кўрикдан ўтказиш далолатномалари; 
93 

---

паст температурада барабандаги кабелларни қиздириш баённомалари; 
ёнғиндан хабар бериш ва ёнғинни автоматик ўчириш тизимларининг муқим қурилмаларини синаш ва 
текшириш далолатномалари. 
Санаб ўтилган ҳужжатлардан ташқари кучланиши 110 кВ ва ундан юқори кабел линия-ларини 
эксплуатация қилишга қабул қилишда монтаж қилувчи ташкилот томонидан энергетик объектга қўшимча 
равишда қуйидагилар топширилиши шарт: 
кабелларнинг ва тўлдириб турувчи аппаратларнинг (паст босимли 110-220 кВ КЛ учун) бажарилган 
баландлик белгилари; 
линиялардаги барча элементлар мойининг синовлари хулосалари; 
шимдирилганлик синовлари хулосалари; 
босим сигнализациялари тизимиларини текшириш хулосалари; 
ётқизишда куч билан тортиш ҳақида далолатномалар; 
ҳимоя қобиқларининг ётқизилгандан кейинги юқори кучланиш билан синалганлиги тўғрисидаги 
далолатномалари; 
кабелларнинг, муфталарнинг ва тўлдириб турувчи аппаратларнинг завод синовлари баённомалари; 
муфталарни автоматик қиздириш ускуналарининг синов хулосалари; 
изоляциянинг актив қаршилигини ўлчаш хулосалари; 
қудуқларнинг ва охирги муфталарнинг заминлаш қаршиликларини ўлчаш хулосалари. 
1000 В гача кучланишли КЛ ни эксплуатация қилишга топширишда қуйидагилар расмийлаштирилиши ва 
буюртмачига берилиши шарт: кабеллар журнали, линияларнинг ўзгартириш киритилган лойиҳалари, 
далолатномалар, синов ва ўлчов баённомалари.