I bob. Maktabgacha ta’lim muassasalarida bolalarga ma’naviy tarbiya berishning pedagogik asoslari

Xolbo’ta To’raqulov.
* * *
“Hayot bamisoli ko’zgu – har bir inson unda o’zini ko’radi. Agar ho’mrayib boqsang hayot ham senga zarda bilan qaraydi. unga doim tabassum bilan boq, ana shunda hayot senga do’stona qo’l cho’zadi”.
(“Hikmatlar”dan)
Siz ushbu mashg’ulotda jonkuyarlikka fidoyilik va jasoratni uyg’un holda olib borsangiz mashg’ulotingiz ijobiy tarbiyaviy ta’sirlarga yanada boy bo’ladi.



“Boladagi ma'naviyat, uning yaxshilikni hush ko’rishi va yomonlikdan yuz o’girishida namoyon bo’ladi”.
Xolbo’ta To’raqulov


25. Boladagi ma’naviy sifatlar.
Ota-onalarning o’z
farzandlarida axloqiy
fazilatlarni shakllantirishi,
ular tufayli niyat qilinggan
orzulariga yetishishga asos
bo’lib xizmat qiladi. Bu borada oilada ham bolalarimiz ongi va qalbiga ma’naviy sifatlarni singdirib borishimiz kerak. Ular: ezgu - niyatlilik; bunyodkorlik; yaxshilik qilishlik; samimiylik; odoblilik; andishalilik; sharm-hayolilik; pokizayu – tozalik; rostgo’yligu – haqiqatgo’ylik; xushmuomalaligu – muloyimlik; ziyrakligu – donolik; jonkuyarligu – fidoylik; jasoratliligu – qahramonlik; dilkashligu – xushfe’llik; kamtarligu –o’ziga talabchanlik; sabrliligu –ma’sulyatlilik; intizomliligu – tartiblilik; tashabbuskorligu –yaxshilikka intiluvchanlik; mustaqilligu – erkin fikrlilik; mehnatsevarligu – tirishqoqlik; mehribonligu – ezgu niyatlilik va shu kabilar.
Ma’naviy sifatlar og’ushida tarbiya topgan boladan kelajakda hyech qachon salbiy illatlarga yo’g’rilgan inson yetishib chiqmaydi.
Mavzuga oid didaktik materiallar:
* * *
“Avvalo onangga yaxshilik qil, yana onangga, yana onangga yaxshilik qil, so’ngra otangga yaxshilik qil! ”.
(“Hadis”)
* * *
“Mehribonlik faqat insonni emas, hatto hayvonni ham rom qiladi”.
(“Otalar so’zi”)
* * *
“Do’stlikka sadoqat oliy fazilat,
Sadoqatsiz do’stlik misli puch yong’oq,
Do’stingga sadoqat qilsang beminnat,
Dil uying yorishib ketadi mutloq”.