Ii. Tiykarǵi bo’lim Muwapiqliqti bahalawda tiykarg’i tu’sinikler

Muwapıqlıqtı bahalaw ob'ektleri
Muwapıqlıqtı bahalaw ob'ektleri tómendegilerden ibarat :
• ónim;
• islep shıǵarıw processleri;
• xızmetler;
• menejment sistemaları ;
• akkreditasiya etiliwge talaban bolǵan yuridikalıq shaxslar ;
• muwapıqlıqtı bahalaw salasında xızmetker retinde qatnasıwǵa talaban
bolǵan qánigeler;
• muwapıqlıqtı bahalaw shólkemleri inspeksiya qadaǵalawınan ótkeriliwi
waxtinda bul organlardıń ózi.
Muwapıqlıqtı bahalawdı ámelge asırıw
Muwapıqlıqtı bahalaw :
• akkreditasiya qılıw ;
• sertifikatlastırıw ;
• muwapıqlıqtı deklaratsiyalaw ;
• inspeksiya qadaǵalawı ;
• júkti tazalawdan aldın hám júkti túsiriw waqtındaǵı inspeksiya;
• ónim sınag’ı ;
• sanitariya -epidemiologiya, veterinariya, veterinariya-sanitariya,
fitosanitariya juwmaqları yamasa ekologiyalıq ekspertiza jolı menen ámelge
asıriladı.
Akkreditasiyani ámelge asırıw
Akkreditasiya akkreditasiya etińiwge talaban bolǵan yuridikalıq adamlardıń kepillikli ekenligin tastıyıqlaw maqsetinde ámelge asıriladı. Akkreditasiya akkreditasiya etińiwge talaban bolǵan yuridikalıq shaxslar tárepinen islep shıǵılǵan hújjetlerdiń analizi hám ekspertizasini, alınǵan dálillerdi tekseriwler ótkeriw jolı menen bahalawdı óz ishine aladı.
Muwapıqlıqtı deklaratsiyalaw
Muwapıqlıqtı deklaratsiyalaw — ónimniń normativ-huqıqıy hújjetleri, sonıń menen birge texnikalıq tárepten tártipke salıw salasındaǵı normativ hújjetler talaplarına muwapıqlıǵın óndiriwshi, satıwshı yamasa atqarıwshı tárepinen tastıyıqlaw. Muwapıqlıqtı deklaratsiyalawda oni tastıyıqlaw qaǵıydaları, tártibi hám usılları texnikalıq tárepten tártipke salıw salasındaǵı tiyisli normativ hújjetlerde belgilenedi.
Eger muwapıqlıqtı deklaratsiyalawda muwapıqlıqtı tastıyıqlaw qaǵıydaları, tártibi hám usıllarında ónim sınawdan ótkeriw zárúr ekenligi belgilengen bolsa, bunday sınaw akkreditasiyalang’an sınaw laboratoriyası (orayı ) tárepinen óndiriwshi, satıwshı yamasa atqarıwshı menen dúzilgen shártnama tiykarında ótkeriledi.