Iii б ў л и м миллий иқтисодиёт (макроиқтисодиёт)нинг амал қилиш ва ривожланиш қонуниятлари

Миллий иқтисодиѐт – барча тармоқлар ва соҳаларни, микро- ва 
макродаражадаги иқтисодиѐтларни, функционал иқтисодиѐтни, кўплаб 
инфратузилмаларни ўз ичига олган яхлит иқтисодиѐтдир. Миллий 
хўжаликнинг таркиб топган тузилиши ижтимоий меҳнат тақсимоти 
ривожининг натижаси ҳисобланади. 
Макродаражада қаралганда миллий иқтисодиѐтнинг таркибий тузилиши 
қуйидагилар ўртасидаги муносабат сифатида намоѐн бўлади: 
- мавжуд ишлаб чиқариш ресурслари;
- ресурсларнинг ижтимоий меҳнат тақсимоти асосида ажралиб чиққан 
иқтисодий субъектлар ўртасидаги тақсимот ҳажми;
- иқтисодий субъектларнинг ишлаб чиқариш ҳажмлари;
- миллий маҳсулотнинг ишлаб чиқариш, тақсимлаш, айирбошлаш ва 
истеъмол қилиш жараѐнларида шаклланувчи таркибий қисмлари.
Миллий иқтисодиѐтнинг таркибий тузилишини содда кўринишда 
қуйидаги чизма орқали тасвирлаш мумкин (14.1-чизма). 
Миллий иқтисодиѐт меъѐрида фаолият қилиш ва барқарор ўсиши учун 
барча тармоқ ва ишлаб чиқариш соҳаларининг ўзаро боғлиқлиги ва 
мувозанатли ривожланиши талаб қилинади. Миллий иқтисодиѐт таркибий 
тузилмасининг шаклланишида қуйидаги омиллар таъсир кўрсатади: мавжуд 
бозор конъюнктураси, бозорлар сиғими ва монополлашув даражаси, 
мамлакатнинг халқаро меҳнат тақсимотидаги иштироки, ишлаб чиқарувчи 
кучларнинг ривожланганлик даражаси, фан-техника тараққиѐтининг 
миқѐслари, тавсифи ва ривожланиш суръатлари, ишлаб чиқариш 
1
Каримов И.А. Ўзбекистон XXI асрга интилмоқда. Т.: «Ўзбекистон», 1999, 8-бет. 

---

307 
ресурсларининг сифати, ҳудудларнинг ер майдонлари ва инфратузилма 
объектлари билан таъминланганлиги, экология ҳолати. 
14.1-чизма
Миллий иқтисодиѐтнинг таркибий тузилиши 
Миллий иқтисодиѐтни барқарор ва самарали ривожлантириш ўта мураккаб 
жараѐн бўлиб, у узоқ муддатли, ҳар томонлама ўйлаб олиб борилувчи 
иқтисодий сиѐсатга асосланади. Чунки, иқтисодий ривожланишда турли 
беқарорлик ҳолатлари, инқирозлар руй бериб туради. Жумладан, 2008 йилда 
АҚШда бошланган жаҳон-молиявий иқтисодий инқирози ҳам миллий 
иқтисодиѐтимизга ўз таъсирини ўтказмай қолмади. Бундай таъсир қуйидаги 
ҳолатлар орқали намоѐн бўлмоқда: 
биринчидан, мамлакатимиз экспорт қиладиган маҳсулотлар (қимматбаҳо ва 
рангли металлар, пахта, уран, нефть маҳсулотлари, минерал ўғитлар ва 
бошқалар)нинг жаҳон бозоридаги нархларининг кескин тушиб кетиши 
натижасида экспортдан олинадиган даромад ҳажмининг пасайиб кетиши; 
иккинчидан, умуман дунѐ бозоридаги талабнинг кескин тушиб кетиши 
оқибатида маҳсулот сотиш ҳажмининг қисқариши; 
учинчидан, жаҳондаги инвестицион фаолликнинг пасайиши натижасида 
узоқ муддатли инвестицион лойиҳаларимизни амалга ошириш муддатларининг 
кечикиши ва ҳ.к. 
Миллий иқтисодиѐтимизнинг барқарор ва мувозанатли ривожланишига 
салбий таъсир кўрсатиши мумкин бўлган ушбу ҳолатларни ўз вақтида 
аниқлаб, уларнинг олдини олиш ва таъсир оқибатларини юмшатиш бўйича 
амалга оширилган тадбирлар эвазига иқтисодиѐтимизнинг юқори ўсиш 
суръатлари сақлаб қолинди
1
. 
Миллий иқтисодиѐтда ишлаб чиқариш, хизмат кўрсатиш ҳажми ва 
уларнинг ўсиши бир қатор кўрсаткичлар тизими орқали, микро- ва 
макроиқтисодий даражада аниқланиб, таҳлил қилинади. Макроиқтисодиѐт –