Ijtimoiy- iqtisodiy fanlar

d) Kompaniya faoliyati tahlili

Atrof-muhit tahlili. Tashqi muhit omillari tahlili (STEEPV-tahlili).

Quida keltirilgan tashqi muhit omillari «FABERLIC» kompaniyasi faoliyatiga, uning yaqin raqobatli muhitiga “umumiy” ta`sir ko`rsatadi.


Ijtimoiy omillar

• 
  O`zbekiston aholisi va xususan, mintaqalar aholisi daromad darajasining pastligi noqulay omil sifatida;
  
• 
  yangi ish o`rinlari yaratish qulay omil sifatida.
  

Texnologik omillar. Zamonaviy komp’yuter tizimlari asosida ilg’or texnologiyalardan yangi mahsulot ishlab chiqish va tadqiq etish uchun foydalanish. Bu omil o`z samaradorligi va iste`molchilar uchun jalb etuvchanligini oshirishga imkon bergan holda tashkilotga ijobiy ta`sir ko`rsatadi.


Iqtisodiy omillar. Mamlakatdagi beqaror iqtisodiy vaziyat «FABERLIC» korporatsiyasining ahvolida ham o`z aksini topadi. Bir qator noqulay omillar ta`siri seziladi:

• 
  hukumatning noqulay (ishlab chiqarish uchun) pul-kredit siyosati;
  
• 
  davlatning doimiy o`zgarib turadigan soliq siyosati;
  
• 
  dunyo valyutalariga nisbatan so`mning ayirboshlash kursi tushib ketishi.
  

Ekologik omillar. O`zbekistondagi ekologik vaziyat ham «FABERLIC» kompaniyasining faoliyatiga ta`sir etmay qolmaydi, xususan, quyidagilarning ta`siri ostida:

• 
  barcha turdagi energiyalar narxining qimmatlashuvi va energiyani tejash texnologiyalarining yo`qligi;
  
• 
  global ekologik kataklizmlar xavfi;
  
• 
  mamlakatda maishiy chiqitlarni yo`q qilishning rivojlangan tizimi yo`qligi, natijada atrof-muhitning ifloslanishi.
  

Siyosiy omillar. Ta`sir darajasini baholash uchun siyosiy omillar tashqi va ichki turlarga taqsimlanadi. Tashqi (umuman qulay) omillar:

• 
  jahon hamjamiyatining O`zbekistonda amalga oshirilayotgan islohotlarni qo`llab-quvvatlashi;
  
• 
  O`zbekistonning bozor iqtisodiyotiga ega mamlakat deb tan olinishi.
  

Siyosiy vaziyat o`tkirlashgan sharoitlarda tovarga talab keskin o`sishi yoki pasayishi mumkin. «FABERLIC» kompaniyasida xorijiy bozorlarga (Pol’sha, Slovakiya, Frantsiya) chiqishga real imkoniyat paydo bo`ldi va bunda siyosi omillarning ta`siri muhim rollardan birini o`ynashi mumkin.