Ikki elning tanti

IBROYIM YUSUPOVGA BAGʻISHLOV 
 
Qoraqalpogʻiston - nazmiy oʻlkadir, 
Tomirdan she'r oqar yuraklariga. 
Bir shoir ulgʻayar erksevar, oʻktam, 
Azot ovulining etaklarida. 
Uning o'ylamlari togʻlardan baland, 
Havoyi hislarga, tuygʻularga zid. 
Vatan deb yashadi, vatan deb yondi, 
Qora qalpoq kiygan oqkoʻngil yigit. 
Fidolar millatga boʻlur sharaf -shon, 
Oʻzdan kechgan umr koʻrmagay zavol. 
Shoir sheʼrlarini takrorlab yashar 
Qizil kendir bilan shivirlashgan tol. 
Ibroyim Yusupov - asl ezgu nom! 
Undan yovuzliklar oti yiroqdir, 
Shoir degan nomga munosib, loyiq, 
Uning asarlari mangu buloqdir. 
 
Sarvinoz Tursunova, 
Filologiya fakulteti
22.89- guruh talabasi 

---

140 
SAHRODAN CHIQQAN DAHO 
 
Orol quridiyu,qurimadi til, 
Po'lat zirh misoli she'riyat qoldi. 
Dunyoga tanitib qoraqalpoqni, 
Berdaqning o'rnini yuz Berdaq oldi.
Bu suluv millatning qadim va shirin, 
Lafzida yaratib turkona na'vo. 
Vulqondek otildi qumlik bag'ridan, 
Ibroyim Yusupov atalgan daho. 
Deydilar:"Shoirlar millatning joni", 
Joni bor tana ham mayit atalmas, 
Bu yurtning bor ekan Ibroyimlari, 
Uni mash'um yo'qlik mag'lub etolmas. 
Aylanay,ey aziz qoraqalpog'im, 
Ummoning aylanar yashil ummonga. 
Yangi Ibroyimlar tuhfa qilaver, 
Borliging ko'rsatib jumla jahonga. 
Nigina Qodirova, 
Filologiya fakulteti
22.89- guruh talabasi 

---

141 
HAVAS YETAKLADI MENI YOZMOQQA 
Ona yurt tuprog‘iga qo‘yib boshini 
Yotar ekan unda bir o‘zbek lochini. 
Qozoq,qirg‘iz,turkman mening og‘am degan, 
Ovullarda qo‘ylar so‘yib, palov yegan 
Ibroyim Yusupovga qilaman havas. 
Qardoshlikni qoni oqqan yuragida 
Yuksal vatan,degan har on tilagida. 
Men tayyorman doim xalqning keragida, 
Elin maqtab she‘rlar bitgan Kegaylida 
Ibroyim Yusupovga qilaman havas. 
Qoraqalpoq yurtim mening jannatim der, 
Amudaryo sensan o‘zing davlatim der. 
Dostonlaring tariximdir,o‘tmishim der, 
O‘tovlaring xuddi saroy savlatim der 
Ibroyim Yusupovga qilaman havas. 
Vatan,senga havas qilar barcha ellar 
Tuprog‘ingda mangu yotar qancha erlar. 
Alpomish-u Barchinoylar ko‘plab derlar 
Madhlar etib yozay deyman doston, she‘rlar, 
Ibroyim Yusupovga qilaman havas. 
O‘zbekiston qahramoni, tog‘ dayin qaddi, 
Ikki qardosh ellarning-da suyuk dilbandi. 
Ajiniyoz, Berdaq kabi otashin dardi, 
Xalqi uchun labbay degan asl farzandi 
Ibroyim Yusupovga qilaman havas. 
Dilnavoz Abdurahimova
Filologiya fakulteti
20.93-guruh talabasi 

---

142