Иккиламчи ҳужжат оқими (ИҲО) ахборот манбаи сифатида

2. Иккиламчи ҳужжат оқимининг хусусиятлари.
Иккиламчи ҳужжат оқимининг ўзига хос хусусиятларига турли факторлар таъсир кўрсатади. Уларга иккиламчи манбаларнинг турли функциялари, уларни иккиламчи манбада ёки ҳатто уларнинг бир гуруҳида амалга ошира олмаслик, турли хил ахборот эҳтиёжлари, қонуниятлари ва объектнинг хусусиятлари (ўсиш, эскириши, тарқалиши, тузилиш) таъсир кўрсатади.
Шу муносабат билан, иккиламчи ҳужжат оқимининг ўзига хос ҳус усиятларига қуйидагилар киради:
* иккламчи ҳужжат оқимини тайёрлашда марказлаштириш ва номарказлаштиришнинг ўзаро қўшилиб кетиши;
* иккиламчи ҳужжатлар оқимини шакллантиришда ахборот-кутубхона марказларининг ихтисослашуви; 61

*иккиламчи ҳужжат оқимининг тузилишини ташкил этувчи турли вазифаларни (тўлиқлик, танловчанлик, самарадорлик, контентни ошкор қилиш чуқурлиги) белгиловчи иккиламчи манбаларнинг параллел қаторини яратиш;

* иккиламчи ҳужжат оқимининг барқарорлиги, нафақат жорий, балки ретроспектив режимларда ҳам ахборотнинг изчиллигини таъминлайди;
* иккиламчи ҳужжат оқимининг динамизми-уни замонавийлик, фан, техника ва ишлаб чиқаришдаги ўзгаришлар ва объектив жараёнлар талабларига жавоб берадиган даражада сақлаб қолиш учун етарли бўлган ривожланиш жараёни.
Айни пайтда иккиламчи ҳужжат оқимининг доимий такомиллашиб бориш тенденсиясини таъкидлаш лозимки, бу ҳам у ҳақидаги билимларни ривожлантириш, ҳам янги ахборот технологияларини жорий етишни тақозо этади. Оқим таркибида, анъанавий воситадаги иккиламчи манбалар билан параллел равишда, самарадорлик, кўп томонлама ахборот қидириш ва унинг чуқурлигини таъминловчи электрон версия мавжуд.
Шундай қилиб, иккиламчи ҳужжат оқими давлат амалиётида муайян функцияларни ва вазифаларни бажаради. Маълум бир ҳудудда чиқарилган барча ҳужжатларни рўйхатга олишни таъминлайди, турли фаолият турларини ахборот билан таъминлайди ва муайян фойдаланувчилар учун энг муҳим ҳужжатларни танлашга ёрдам беради.