Ilk qadam davlat o‘quv dasturi asosida kichik guruhlarda yil davomida

Bolalar uchun amaliy ish.
Bolalar stol atrofida o’tiradilar. Tarbiyachi ularga sariq lentalardan birini olishni taklif qiladi va shu lentaga teng keladiganini yoniga kuyib, taqqoslab topishni mashq qildiradi. Topshiriqni bajarish davomida har bir bolaga savollar beradi (uzunmi, qisqami, tengmi). Bolalarning so’zlarni to’g’ri ishlatishini nazorat qiladi. Noto’g’ri aytganlarni to’g’ri aytishga o’rgatadi.


Bolalar bilimini mustahkamlash uchun O’yin.
Tarbiyachi va bolalar xar xil kenglikda va uzunlikdagi lentalar ichidan bir xil kenglikda va uzunlikdagi lentalarni bir-birining ustiga va tagiga qo’yish usullari yordamida o’lchab, tanlab oladilar. Tanlab olingan lentalarning rangi xam har xil buladi.
Tarbiyachi bu lentalarning bir uchini ushlab turadi, bolalar shu lentalarning ikkinchi uchini ushlab, tarbiyachining atrofida turadilar. Tarbiyachi «doira» desa, bolalar lentani ushlagan xolda tarbiyachi atrofida doira hosil qilib yuradilar. Tarbiyachi «past» desa, bolalar o’tiradilar, «baland» desa, turib qo’llarini yuqoriga ko’taradilar, «oldimga» desa, barcha bolalar tarbiyachining oldiga borib oladilar.

Faoliyat so’ngida tarbiyachi bolalarni rag’batlantiradi.

Miqdor (Kattalik)


Mavzu: Namunadagi rasm yordamida ustiga qo’yib taqqoslash usuli bilan tanishtirish


Maqsad:

• Bolalarni namunadagi rasm yordamida ustiga qo’yib taqqoslash usuli bilan tanishtirish.

  
  

• «Qancha-shuncha» so’zlarini tushuntirish, narsalarni o’ng qo’l bilan chapdan o’ngga terishni va qanday qilayotganligini aytishni o’rgatish.

  
  

Kutilayotgan natija:

• Bolalar predmetlarning 2 guruhini taqqoslashni va buni nutqda ifoda etishni o’rganadilar.

  
  

Kerakli jihozlar:

• Qizil gullarning rasmlari va sariq gullar 4–5 ta.

  
  

• Har bir bola uchun barglar, qo’ngizchalar, likopcha, 2 tadan rasm.