Innovatsiyalar vazirligi jizzax politexnika instituti huziridagi sharof rashidov politexnika texnikumi

AMALIY MAShG’ULOT

MASHG’ULOTLARINI O’TKAZISH

UCHUN USLUBIY

KO’SATMA

Kirish

Hozirgi davr sayyoramizdagi ekologik vaziyatning qisman yomonlashganligi, inson salomatligiga tahdid solayotganligi bilan tavsiflanadi. Bunday holat jamiyatning har bir a’zosidan ekologik bilimlarga ega bo’lishini, tabiatni muhofaza qilish ishlariga o’z hissasini qo’shishni taqazo etadi. Shu sababli ta’lim sohasining barcha yo’nalishlari bo’yicha tayyorlanayotgan mutaxassislar “Ekologiya” fanidan nazariy bilimlar oladilar.

Ushbu uslubiy ko’rsatma Oliy o’quv yurtlarining nobiologik yo’nalishlari (biologiya va ekologiya yo’nalishlaridan tashkari) bo’yicha tahsil olayotgan talabalarga mo’ljallab yozilgan. Uslubiy ko’rsatmada ekologiya fanidan o’rganilgan mavzular: muhit va ekologik omillar, organizmlarning muhit omillariga moslashishi, populyasiya, biosenoz, biogeosenoz va ekosistema, biosfera, noosfera va tabiatni muhofaza qilishga oid amaliy mashg’ulotlar berilgan. Qo’shimcha holda uslubiy ko’rsatmada ekologiya fani bo’yicha seminar mashg’ulotlarining savollari hamda bu savollarga javob berish uchun zarar bo’lgan adabiyotlar ro’yxati ham keltirilgan.

Amaliy mashg’ulotlarda talablar yuqoridagi mavzularga oid bilimlarni mustahkamlash bilan birga ekologiya bo’yicha ayrim tadqiqot uslublarini ham o’rganadilar, ekologik o’zgarishlar oqibatida yuzaga keladigan muammolar hamda mustaqil fikr yuritish ko’nikmalarini hosil qiladilar.

Amaliy va seminar mashg’ulotlarida qanday mustaqil ishlar bajarilishi, fikrlar qanday bayon etilishi uslubiy ko’rsatmada aniq ko’rsatilib berilgan. Shuni ta’kidlash kerakki, seminar mashg’ulotlarining tabiatni muhofaza qilish mavzulariga bag’ishlangan qismida har bir mutaxassislikning xususiyatlariga e’tibor berish zarur. Shu sababli, darslar o’tilayotgan jarayonda o’qituvchi tomonidan mutaxassislik xususiyatidan kelib chiqadigan qo’shimcha savollar kiritilishi mumkin.