Iqtisodiyot (tarmoqlar va soxalar bo‘yicha) va 5230200-Menejment (tarmoqlar va soxalar bo`yicha) yo‘nalishlari bakalavriat bosqichining

4. Amaliyot o‘tash grafigi

№	Amaliyotda bajariladigan ishlarning nomi	Kunlar soni	izox
1	Korxona (tashkilot, muassasa)ni umumiy tavsifini o‘rganish. Korxonaning boshqaruv tuzilmasi bilan tanishish	4
2	Korxona (tashkilot, muassasa)ning iqtisodiy va rejalashtirish faoliyatini o‘rganish	5
3	Ishlab chiqarish va sotish (xizmat ko`rsatish, ish bajarish) faoliyatini boshqarish	6
4	Marketing faoliyatini o‘rganish va boshqarish	5
5	Korxona (tashkilot, muassasa) personali mehnatini tashkil etishni o‘rganish va uni boshqarish	4
6	Mehnat va ish haqi xisoblashni o‘rganish va uni rejalashtirish	4
7	Aylanma mablag‘lardan foydalanish darajasini o‘rganish va uni boshqarish	6
8	Korxona (tashkilot, muassasa)ni uzoq muddatli aktivlarini boshqarish	5
9	Ishlab chiqarish xarajatlari va mahsulot tannarxini aniqlash	4
10	Korxona (tashkilot, muassasa)ning moliyaviy holati va rentabelligini o`rganish	4
11	Korxona (tashkilot, muassasa)larda soliqqa tortish va ularni xisoblash tartibi	5
12	Korxona (tashkilot, muassasa)larni moliyaviy xisobot shakllari va ularni tuzish tartibi	6
13	Amaliyot natijalari bo‘yicha hisobot tayyorlash	2
Jami		60

5. Amaliyotga rahbarlik va uni nazorat qilish
Talabaning malakaviy amaliyotini o‘tish jarayonida bajarayotgan ishini nazorat qilib borish uchun unga korxona tomonidan rahbar tayinlanadi. Rahbar korxona boshlig‘ining iqtisodiy masalalar bo‘yicha muovini yoki iqtisodiy bo‘limlarning boshliqlari bo‘lishi mumkin.
Kafedra tomonidan tayinlagan amaliyot rahbari talabalar kelishiga zaruriy tayyorgarlikni tashkil etish uchun amaliyot ob’ektlariga amaliyot boshlanishidan oldin boradi, amaliyotni o‘tkazish bilan bog‘liq bo‘lgan tashkiliy tadbirlar (amaliyotga yuborish buyrug‘i, amaliyotni o‘tkazish tartiblari, xavfsizlikka rioya etish qoidalari haqida ko‘rsatmalar berish va h.k.)ni o‘tkazilishini ta’minlaydi, talabalarning kafedra topshiriqlarida ko‘zda tutilgan ilmiy-tadqiqot ishlariga rahbarlik qiladi, amaliyot ob’ektlarida talabalarning mehnat va maishiy xizmat sharoitlari me’yordagidek ta’minlanganligini, talabalarning ichki mehnat tartib-qoidalariga rioya qilishlarini nazorat qiladi, amaliyot yakunlari bo‘yicha talabalar ilmiy anjumanlarida va amaliyot natijalarini baholovchi komissiya ishida ishtirok etadi, talabalarning amaliyot bo‘yicha hisobotini ko‘rib chiqadi, ularning amaliyot o‘tish davridagi bajargan ishlari haqida tavsiyanoma beradi. Talabalar o‘tagan amaliyot natijalari hisobotini, amaliyotni tashkil qilishda yo‘l qo‘yilgan kamchiliklar, amaliyotni takomillashtirish haqida takliflar kiritilgan yozma hisobotni kafedra mudiriga taqdim etadi. Amaliyotni tashkil etishda uchragan barcha muammolarni amaliyot ob’ekti rahbariyati tomonidan biriktirilgan rahbar bilan birgalikda hal etadi.