Ishlanmalari

Bilimlarni mustahkamlash uchun o‘yin: “O‘rnini top”.

O‘yin qoidasi: Bolalar ikki guruhga bo‘linib turadilar. O‘rtaga doira shakli chizilgan bo‘lib, ichiga uzun-kalta, yo‘g‘on-ingichka turli buyumlar aralash qo‘yilgan. Tarbiyachi ko‘rsatma berishi bilan 1-guruh bolalari yo‘g‘on-ingichka buyumlarni, 2-guruh bolalari esa uzun-kalta buyumlarni ajratadilar. Buyumlarning ranglari, nechtadan yig‘ganlari so‘raladi.
Bolalar bilimini mustahkamlash uchun savol va topshiriqlar:

1. 
   Tana a’zolarining qaysi biri uzun-kalta va yo‘g‘on –ingichka bo‘lib tartib bilan joylashgan? (Barmoqlar uchtasi)
   
2. 
   Oilangizdagilarni bo‘ylariga qarab tartib bilan aytib bering (dadam, onam, opam, akam)
   
3. 
   Xonadagi buyumlar orasidan yo‘g‘on-ingichka buyumlarni topib aytib bering.
   
4. 
   Xonadagi buyumlar orasidan uzun-kalta buyumlarni topib aytib bering.
   

Faoliyat yakunida bolalarni rag‘batlantirish.
Geometrik shakllar
Mavzu: Doira, kvadrat va uchburchak shakllarini bir-biridan farqlashni mustahkamlash

Maqsad:

• 
  Bolalarning geometrik shakllar: doira, kvadrat va uchburchak haqida tasavvurlarini mustahkamlash.
  

Kutilayotgan natija:

• 
  Bolalarning doira, uchburchak va kvadrat shakllari haqidagi tasavvurlari mustahkamlanadi.
  
• 
  Doira, kvadrat va uchburchak shakllaridan foydalanib tasvirlar yasay olish malakasini egallaydilar.
  

Kerakli jihozlar:

• 
  Rangli qog‘ozdan doira, kvadrat, uchburchak shakllari (katta va kichik o‘lchamda).
  
• 
  Oq qog‘oz, elim, mo‘yqalam.