Bolalar uchun amaliy ish.
Bolalarning oldilariga qo‘yilgan qutichalarda turli o‘lchamdagi karton qirqimlari bor bo‘lib, ular katta-kichik shakldagi uchburchak, to‘rtburchak, doira (shakllar soni-9 tagacha), ularni olib, ustma-ust qo‘yib bir xil o‘lchamdagilari tartib bilan guruhlarga ajratiladi. Bolalar shakllarni guruhlarga ajratganlaridan keyin, tarbiyachi ulardan shakllarning katta-kichikligini, soni nechtaligini so‘raydi.
Bilimlarni mustahkamlash uchun o‘yin: “O‘xshashini top”.
Bolalar 2 guruhga bo‘linadilar. Birinchi guruh bolalarining qo‘liga har xil shakl beriladi, xuddi shunday shakllar ikkinchi guruh bolalariga ham beriladi. Tarbiyachi bolalarga qo‘lidagi narsaning tuzilishiga e’tibor berishlarini aytadi, keyin o‘rtoqlarining qo‘liga e’tibor berishlarini aytadi. Tarbiyachi 1 dan 9 gacha sanashini va “9” degan vaqtda bolalar qo‘lidagi narsa qaysi bolaning qo‘lidagi narsaga mos tushishining aniqlab shu bolaning yoniga borib narsalarni ustma-ust qo‘yib, ushlab turishlarini aytadi. Keyin shakllar almashtiriladi va yana o‘yin davom ettiriladi.
Bolalar bilimini tekshirish va mustahkamlash uchun savollar:
1. SHakllarni katta-kichikka ajratayotganda qiynaldingizmi?
Nima uchun?
2. Narsalarning shakli ularning katta-kichikligiga bog‘liqmi?
3. Bir xil uzunlikdagi narsalarni ajratish uchun qanday usuldan
foydalanish mumkin?
4. Tiko kattami, kamaz kattami?
5. Stol kattami, shkaf kattami?
Faoliyat yakunida bolalarni rag‘batlantirish.
Do'stlaringiz bilan baham: |
