Қишлоқ хўжалик экинлари етиштиришда инновацион технологиялар

Ҳосилни йиғиб олиш. Помидор хосили турлича етилган пайтида териб олинади. Масалан, озиқ-
овқатга ишлатиш ва томат пюре, томат (сок) тайёрлаш учун помидор мевалари биоқизил бўлиб, тўла 
етилган вақтида териб олинади. Ҳосил комбайн ёрдамида териладиган бўлса, олдин икки маротаба 
пишган мевалари қўлда териб олиниб, қолган меваларнинг 70-80 фоизни пишгандан сўнг ҳосилни 
теришга комбайн қўйилади.
Ширин қалампир мевалари техник ва биологик пишган даврида терилади. Ҳосилни териш 4-5 
кунда бир маротаба ўтказилади. Аччиқ қалампир меваси тўлиқ пишгандан сўнг териб олинади.
Бақлажон меваси фақат истеъмолга яроқли бўлиб техник етилганда, ҳар 4-6 кунда бир маротаба 
териб олинади.
Бодринг ва сабзавот қовоқчалари
Бодринг, сабзавот қовоқчалари бир йиллик ўсимликлардир. Бодринг ва сабзавот қовоқчалари 
уруғи 12-13°С да унабошлайди, уларнинг уруғини тезда униб чиқиши ва яхши ўсиб ривожланиши учун 
25-30°С ли ҳарорат талаб қилинди.
Навлари. Ўзбекистонда бодрингни эртапишар навлари, ниҳоллари униб чиққанидан биринчи 
меваси етилгунига қадар 40-50 кун талаб этади (навларидан Парад, Конкурн, Ранний-645, Гулноз 
ва Гибрид ҳосидор), ўртапишарларидан (51-60 кун) Ўзбекистон сараси ва ўртанги кечки (61-70 кун) 
Марғилон 822 ҳамда Ўзбекистон 740 районлаштирилган. Патисонни ўртапишар (58-68 кун) Белий-13, 
Зар кокил навлари, сабзавот қовоқчасининг эса Греческий 110 нави ва Арал F-1, Опал F-1 дурагайлари 
районлаштирилган.
Ўғитлаш. Бўз тупроқларда ўстирилаётган бодринг ва сабзавот қовоқчаларига азотдан 150-200, 
фосфордан 100-150, калийдан эса 75 кг гектарига солиш тавсия этилади. Органик ва калий ўғитини ҳаммаси, 
ҳамда фосфорни 75 фоизи шудгорларшдан олдин фосфорнинг қолган 25 фоизи уларни экиш даврида ёки 
тупроқга экиш олдидан ишлов беришда солинади. Азот асосан озиқлантириш вақтида учга бўлиб берилади. 
Биринчи озиқлантириш 2-3 дона чин барг ҳосил қилганда, иккинчи озиқлантириш гуллаш даврида ва ниҳоят 
учинчи маротаба озиқлантириш 2-3 маротаба ҳосил терилгандан сўнг амалга оширилади.

---

32