Иссиқлик изоляцияси ва акустик материаллар умумий маълумотлар

Пенополиуретанлар полиэфир полимерлари, диизоцианат, катализатор, эмулгатор ва сув аралашмасининг кимёвий реакциялар натижасида кўпчитиб ҳосил қилинади. Полиуретан бикр ва эластик ҳолда тайёрланади. Полиуретаннинг ўртача зичлиги 50-60 кгм3, иссиқлик ўтказувчанлиги 0,02-0,04 Вт(м.0С), иссиққа бардошлилиги –500С дан 1100С гача, сув шимувчанлиги масса бўйича 2-5%. Бикр полиуретан кичик ўртача зичликка ва юқори мустаҳкамликка эга бўлиб, сув ва агрессив муҳитларга бардошли, металл юзаларга жуда катта куч билан ёпишадиган ўта самарали иссиқлик изоляцияси материали ҳисобланади. Бикр полиуретан плита кўринишида уч қатламли панеллар, сегментлар, қобиқлар тайёрлашда, магистрал трубопроводлар учун совуқ шароитда кўпчийдиган ва қотадиган монолит иссиқлик, изоляцияси қопламалари ҳосил қилишда ишлатилади. Монолит қопламалар тайёрлаганда юзаларни гидроизоляция қилишга зарурат бўлмайди, чунки пенополиуретан массаси жуда катта куч билан металл труба ташқи қолипига урунгани сабабли ўта зич қатлам ҳосил бўлади.
Пенополиуретан асосида икки томони зангламайдиган пўлат листлар (алюминий фолгаси ва ш.к.) билан қопланган, исталган ўлчамдаги панеллар ишлаб чиқарилади ва саноат биноларида том, девор иссиқлик изоляциясида ишлатилади.
Пенополиуретан биологик муҳитларга бардошли бўлгани учун замбуруғлар ва микроорганизмлар таъсир этиши эҳтимоли бўлган жойларда ишлатиш мумкин.
Эластик пенополиуретан панеллар чокларини герметизациялаш учун ишлатилади. Полиуретанни қурилишда ишлатилганда ёнувчанлигини ҳисобга олиш керак.
Пенополистирол полистиролга ғовак ҳосил қилувчи компонентлар киритиб тайёрланади. Пенополистиролнинг ўртача зичлиги 25-40 кгм3 бўлиб, едирилишга бардошли, сув ва кимёвий муҳитларга чидамли бўлади. Унинг иссиқлик ўтказувчанлиги 0,05 Вт(м.0С), ишлатилиш ҳарорати 700С гача руҳсат этилган. Пенополистиролнинг киришиши ва ёнувчанлиги унинг камчилиги ҳисобланади. Унинг киришишини битум- эластомер материал билан юзасини қоплаш усулида камайтириш мумкин. Понополистирол уч қатламли панеллар олишда, том, тўсиқ конструкциялари тайёрлашда иссиқлиқ изоляцияси сифатида ишлатилади.