Issn 2181-1296 ilmiy axborotnoma научный вестник scientific journal

ILMIY AXBOROTNOMA IQTISODIYOT 2021-yil, 6-son 
109 
UDK 338.482:616.9
 “COVID-19” KORONOVIRUS PANDEMIYASI INFEKSIYASINING
MAMLAKATIMIZ IQTISODIYOTINI TURIZM SOHASIGA TA’SIRI 
 
A.X.Djumaev, A.R.Djumaeva
Samarqand davlat universiteti 
 
Annotatsiya. Ushbu maqolada 2020 yilda O‘zbekistonda ham boshlangan “COVID-
19” koronovirus pandemiyasi infeksiyasining mamlakatimiz iqtisodiyotiga, xususan, turizm 
sohasiga ta’siri va u bilan bog‘liq inqiroz sabablari hamda turizmni kelajakda rivojlantirish 
bo‘yicha ilmiy asoslangan takliflar ko‘rsatilgan. 
Kalit so‘zlar: koronovirus pandemiyasi, transport infratuzilmasi, telekommunikatsiya, 
rekreatsiya, rekreatsiya zonalari, BJST, UNITO, subsidiya. 
 
Влияние инфекции короновирусной пандемии «Covid-19» на сферу туризма 
экономики нашей страны
 
Аннотация. В этой статье представлено влияние пандемии коронавируса 
COVID-19, начавшейся в Узбекистане в 2020 году, на экономику страны, в частности, 
на туристический сектор и причины кризиса, а также научно обоснованные 
предложения по будущему развитию туризма. 
Ключевые слова: короновирусная пандемия, транспортная инфраструктура, 
телекоммуникация, рекреация, рекреационные зоны, Всемирная организация туризма, 
UNITO, субсидия.
 
Influence of the coronoviral pandemic "Covid-19" infection on the sphere of tourism of 
the economy of our country
Abstract. This article presents the impact of the COVID-19 coronavirus pandemic, 
which began in Uzbekistan in 2020, on the country's economy, in particular on the tourism 
sector and the causes of the crisis, as well as scientifically based proposals for the future 
development of tourism. 
Keywords: coronavirus pandemic, transport infrastructure, telecommunications, 
recreation, recreational areas, World Tourism Organization, UNITO, subsidy.
Statistik ma’lumotlardan ko‘pchilik iqtisodchi olimlarga ma’lumki, XXI asrning 
ikkinchi o‘n yilligi mobaynida jahon miqiyosidagi turizmni o‘rtacha yillik o‘sish sur’ati 4-5% 
bo‘lgan, jahon yalpi ichki mahsulotini 8% va bandlikni 10% ni tashkil etgan. Umuman, 
turizm global biznes sifatida jahonning yirik xizmat ko‘rsatuvchi sanoatiga aylanmoqda.
2020 
yilning boshlarida sayohatchilar soni qariyb 1,6 milliard kishiga etgan edi. Ma’lumotlarga 
ko‘ra koronovirus pandemiyasidan keyin 2030 yillarga borib, umuman bu ko‘rsatgich 2 
milliarddan oshishi mumkin degan bashoratlar ham mavjud.
Turizm sohasi o‘ziga xos 
xususiyatlarga ega bo‘lib, asosiylaridan biri – bu xalq xo‘jaligining ko‘plab tarmoqlari 
o‘rtasidagi u bilan uzviy bog‘liqlikdir.
Mamlakatda turizm sohasining rivojlanib borayotgani, 
parallel ravishda transport infratuzilmasini va telekommunikatsiya xizmatlari tizimini 
takomillashuviga, ekologiya va atrof-muhitning obodligini yaxshilanishiga, ishlab chiqarish 
va xizmat ko‘rsatish tarmoqlarini rivojlanishiga, bundan tashqari shahar va kommunal 
infratuzilmalari, tibbiyot hamda shaharsozlik va boshqa ko‘pgina sohalarni qamrab olib, 
ularni rivojlanishiga sabab bo‘ladi. Keyingi paytlarda, sayyohlik korxonalari va rekreatsiya 
zonalari tashkil etilib yaxshilanishiga hukumatlarning ham e’tibori tobora kuchayib 
bormoqda. 
Shunga qaramay, turizm sohasi kelib chiqishi mumkin bo‘lgan turli xil inqirozlar, 
tabiiy ofatlar, epidemiyalar, ijtimoiy-iqtisodiy va siyosiy inqirozlar, mamlakatdagi 
vaziyatning beqarorlashuvi bilan bog‘liq holda vujudga keladigan terroristik hujumlar uchun 

---