Issn 2181-9130 Doi Journal 10. 26739/2181-9130

haqiqiy va yuridik asoslari keltirilishi lozim.[10]
Ma’muriy aktni asoslantirish chog‘ida ma’muriy organ tekshirilmagan yoki ma’muriy ish 
yuritish jarayonida ma’muriy ishga qo‘shib qo‘yilmagan, yokida ma’muriy ish yuritish 
ishtirokchilariga tanishish imkoniyati berilmagan dalillarga tayanishga mumkin emas. Agarda 
ma’muriy aktni qabul qilishda ma’muriy organga ma’muriy ixtiyoriylik ya’ni diskretsion vakolat 
berilgan bo‘lsa, ma’muriy aktning asoslantiruvchi qismida u yoki bu ma’muriy ixtiyoriylikka yoki 
undan voz kechishga sabab bo‘lgan barcha baholar, vajlar va mulohazalar bayon etilishi kerak. Bunda 

---

№8 | 2022
60 
holatda ma’muriy organ o‘zi qabul qilgan ma’muriy aktning ma’muriy tartib-taomillar prinsiplariga 
muvofiqligini asoslab berishi lozim bo‘ladi. 
Tegishli tahlillar asosida ma’muriy aktning quyidagi o‘ziga xos xususiyatlarini aytishimiz 
mumkin bo‘ladi.
Birinchidan, ma’muriy aktlarni qabul qilish bilan bog‘liq munosabatlar ma’muriy-huquqiy 
munosabat hisoblanadi. Unda taraflar o‘zaro teng bo‘lmaydi. 
Ikkinchidan, ma’muriy akt ommaviy huquqiy munosabatlarni vujudga keltiradi. Misol 
uchun, litsenziya berish haqidagi ma’muriy aktning qabul qilinishi ma’muriy organlarning xususiy 
shaxslar faoliyatida litsenziya talablariga rioya etilishini nazorat qilish bilan bog‘liq munosabatni 
vujudga keltiradi. 
Uchinchidan, ma’muriy aktlarni qabul qilish bilan bog‘liq munosabatlar ma’muriy-huquqiy 
munosabat hisoblanadi. Unda taraflar o‘zaro teng emas. Buning sababi ma’muriy organ va xususiy 
shaxs ma’muriy aktni qabul qilishda shartnoma tuzishdagi singari bir-biriga shartlar qo‘ya olmaydi. 
Ammo, ma’muriy organ va uning mansabdor shaxslari ishni mazmunan qonun talablari doirasida hal 
etishlari kerak. 
Yuqorida ta’kidlab o‘tganimzdek ma’muriy akt huquqiy maqomi ma’muriy hujjat shaklida 
2018-yildan keyin, ya’ni O‘zbekiston Respublikasining “Ma’muriy tartib-taomillar to‘g‘risida”gi 
qonuni qabul qilinishi bilan bilan bog‘liq, ungacha esa ma’muriy akt atamasi qo‘llanilmagan. Shu 
nuqtayi nazardan ma’muriy akt boshqa aktlardan farq qiladi. Ma’muriy aktlar quyidagi aktlardan 
farqlanadi: