Iv-боб. Ер усти жихозлари. Бургилаш миноралари

Денгизда нефт ва газ кудукларини бургилаш.

ХХ асрнинг 80-йилларига келиб дунёнинг денгизга чикиш имконияти бор 100 дан ортик давлатлар континентал шелфда нефт ва газ конларини кидириш ишларини олиб борди. Шу жумладан, 50 дан ортик давлатлар континентал шелфда нефт ва газ конларини ишлатмокда. Континентал шелфдан олинаётган нефтнинг микдори дунё буйича йиллик казиб олинаётган нефтнинг 20-25% ни ва газни эса 15-18% ни ташкил этади.

Дунё буйича континентал шелфдан энг куп нефт олинадиган худудларга Мексика курфази, Каспий денгизи киради.
Шу кунларда денгизда бургиланган кудуклар сони 100 мингдан ошиб кетди, сув сатхининг калинлиги 300 м дан ошиб кетган холларда хам нефт казиб чикарилмокда. Денгизда бургиланган нефт кудукларининг чукурлиги 1800 м гача бориб етди.
Денгизларда нефт ва газ кудукларини бургилаш сув сатхининг калинлигига кариб сунъий оролчалар – платформалардан (сув сатхи 20 м гача), узи кутарувчи сузувчи бургилаш курилмаларидан (сув сатхи 100 м гача), ярим чуккан сузувчи бургилаш курилмаларидан (сув сатхи 300 – 600 м гача) ва сузувчи бургилаш кемаларидан (сув сатхи 600 м дан куп булганда) амалга оширилиши мумкин.
Дунё буйича йилига бургиланаётган кудукларнинг карийиб 35-40% и АКШ га тегишли. Борган сари сув сатхи баланд худудлар узлаштирилмокда. Шимолий денгизи тезлик билан узлаштирилиши натижасида Буюк Британия, Норвегия каби давлатлар нафакат уз эхтиёжини кондириш балки четга нефт сотиш имкониятига хам эга булишди.
МДХ худудида денгизда бургиланган кудуклар асосан Каспий денгизи шелфида булди. Кейинчалик Сахалин ороли атрофида хам денгиз сатхида куплаб кудуклар бургиланди.
Хозирги кунгача МДХ худудида энг чукур бургиланган кудук Озарбайжонда Булла – денгиз конида булиб, чукурлиги 6200 метрни ташкил этади. Озарбайжон худудидаги денгизда бургиланган кудукларнинг бошлангич нефт махсулдорлиги микдори 500 т/сут ва газ микдори 700 минг м³/сут га етди.


Денгизда бургилаш учун мухим пойдеворлар.

Денгизда бургилаш ишларини олиб бориш учун биринчи пойдеворлар 1934-1936 йилларда Каспий денгизнинг Ильич курфазида ва Артем оролида курилган. Бу пойдеворлар кувурлардан ишланган козик оёклар устига урнатилган булиб унча чукур булмаган кудукларни бургилашга имкон берган.

1946 йилда мухандис Л.А.Межлумов томонидан тайёр булма куринишдаги пойдеворларни (бу пойдеворлар муаллифни исми шарифининг бош харфидан келиб чикиб – ЛАМ деб аталди) таклиф этди. Бу пойдевор узининг тайёр холда эканлиги туфайли уни денгизда йигиш ва бутлашга хожат колмади. ЛАМ туридаги пойдеворларни денгиз шароитида бир нуктадан иккинчи нуктага бутун холича кучириб утказиш имкониятига эга булинди.
1949 йилда ЛАМ туридаги пойдеворни мухандислар Л.А.Межлумов, С.А.Оруджев ва Ю.А.Сафроновлар томонидан кайта куриб чикилиб анчагина узгартиришлар киритишди. Бу пойдевор МОС (муаллифларнинг фамилияларини биринчи харфидан) деган ном олди. Бундай пойдеворлар билан денгиз сатхининг чукурлиги 20 метргача булган жойларда кудукни бургилаш имконияти тугилди.
МОС туридаги пойдеворлар билан Каспий денгизининг Апшерон архипелаги атрофида куплаб денгиздаги нефт конларини бургилаш, уларни чегараларини, захираларини аниклаш ва ишга тушириш имконияти юза келди.
Кейинги изланишлар натижасида МОС туридаги пойдеворларга куплаб узгаришлар киритилиб, мукаммаллаштириш натижасида Гипроморнефт институтининг ходимлари томонидан яратилган Гипроморнефт – 1 пойдевори юзага келди. Бу пойдевор Билан денгизнинг сатхидан 40 метргача булган чукурликда хам кудукларни бургилаш имконияти яратилди. Хозирги вактда сув сатхининг баландлиги 110-120 метргача булган холларда хам кудукни бургилаш имконини берадиган пойдеворлар яратилди.
Денгиз шароитида бургилаш учун лойихалаштириладиган гидротехник курилмалар ва пойдеворларга куйиладиган талаблар асосида уларни иложи борича кичик майдонни эгаллайдиган килиб жойлаштириш, барча асбоб-ускуналар, жихозлар, курилмаларни ишлаш учун халакит бермайдиган, лекин зич холда жойлаштириш кузда тутилади. Пойдеворларни асосан кисмини таянч блок ташкил килиб, у одатда призма, пирамида, панасимон холда курилади. Таянч блокни денгиз тубига махкамлаш учун бир-бирини ичига кирадиган телескоп козик оёклардан фойдаланилади.
Пойдеворлардан денгиз конларини ишлатишда хам фойдаланилади. Уларнинг устида тебратма дастгохлар, нефт йигувчи саклагичлар, кудукдан- кудукка утиш учун йуллар в ах.к.лар курилиши мумкин.