Iv guruh kationlari Al3+, Cr3+5+, Zn

6.Xrom (VI) ioniningborligi yoki hosil bo'lganligini baholashda tekshiriladigan aralashmaga BaCl₂ eritmasi tomiziladi, bunda BaCrO₄ ning sariq cho'kmasi hosil bo'ladi:
Ba²⁺ + CrO₄^2- → Ba CrO₄↓


4.3.Rux kationining reaksiyalari
Rux tuzlari rangsiz bo'lib, ularga amfoterlik, cho'kmalar va komplekslar hosil qilish reaksiyalari xosdir.
1. O'yuvchi ishqorlarva rux tuzlari ta'sirlashuvidan kislotalar va ishqorlarda eriydigan (amfoterlik tufayli) iviqsimon Zn(OH)₂ cho'kma hosil bo'ladi:
ZnCl₂ + 2KOH → Zn(OH)₂↓ + 2KCl
Zn²⁺ + 2OH^-→ Zn(OH)₂↓
Zn(OH)₂ + 2HC1 → Zn²⁺+ 2C1^- + 2 H₂O
Zn(OH)₂ + 2NaOH →2Na⁺ + ZnO₂^2- + 2H₂O
Sinkat ion alyuminat iondan farqli ravishda ammoniy xlorid yoki nitrat ta'siridan Zn(OH)₂ cho'kmasi hosil qilmasdan, eritmada [Zn(NH₃)₄]²⁺ yoki [Zn(NH₃)₆]²⁺ kompleks ion shaklida qoladi:
ZnO₂^2- +4NH₄Cl -→ [Zn(NH₃)]²⁺ + 2H₂O + 4C1^-
Reaksiyani bajarish uchun rux tuzi eritmasining 2-3 tomchisiga ishqor eritmasidan tomchilab qo'shiladi, bunda oldin cho'kma tushadi, keyin esa u erib ketadi.
2. Ammiak eritmasirux ioni bilan Zn(OH)₂cho'kmasini yuzaga keltiradi, cho'kma mo'l reaktiv va ammoniy tuzlari ta'sirida erib, kompleks ion [Zn(NH₃)J²⁺ hosil qiladi.
Zn(OH)₂+ 4NH₄OH → [Zn(NH₃)₄](OH)₂ + 4H₂O
Ammoniy tuzlari ishtirokida NH₄OH rux ionini mutlaqo cho'ktirmaydi.
Reaksiyani bajarishda rux tuzining 2-3 tomchi eritmasiga tomchilatib NH₄OH eritmasi qo'shiladi, bunda avval cho'kma hosil bo'ladi, so'ngra keyinchalik u erib ketadi.