Iv-vi gurux kationlari aralashmasi taxlili

Taxminiy tekshirish

Dastlab eritmadan temir (II) ioni ochiladi, chunki u xavo kislorodi bilan oksidlanib, temir (III) ga o’tib ketadi. So’ngra, eritmani ayrim qismidan IV, V, VI gurux kationlari bor yoki yo’qligini gurux reagentlari ta’sir ettirib aniqlanadi. Ayrim kationlar (Fe²⁺, Fe³⁺,Cr³⁺ ) quyidagicha ochiladi:

Temir (II) ionini ochish. 3-4 tomchi tekshiriluvchi eritmaga 2-3 tomchi kaliy geksatsianoferrat pH=3 da qo’shiladi va xavo rang cho’kma xosil bo’lishi kuzatiladi.

Temir (III) ionini ochish. 3-4 tomchi tekshiriluvchi eritmaga 2-3 tomchi kaliy geksatsianoferrit pH=3 da qo’shiladi va to’q ko’k rang cho’kma xosil bo’lishi kuzatiladi. Juda oz miqdorda bo’lsa xam, temir (II) ni oksidlanib temir (III)ga o’tishi cho’kmani rangini ko’k yoki xavo rang bo’lishiga olib keladi.

Natriy gidroksid eritmasini vodorod peeroksid ishtirokida ta’siri

Xrom (III)ni ochish

8-10 tomchi tekshiriluvchi eritmaga 3%li H₂O₂ eritmasidan qo’shib, suv xammomida isitiladi va NaOHni 2 mol/dm³li eritmasidan tomchilab, aralashtirib turgan xolda qo’shiladi.

Ishqor qo’shilganda cho’kma xosil bo’lsa va mo’l miqdordagi ishqor ta’sirida to’la erib ketsa, bu V-VI gurux kationalri yo’qligini va IV gurux kationlari borligini bildiradi. Agar cho’kma xosil bo’lib, ozgina erisa yoki erimasa, u xolda IV, V, VI gurux kationlari bo’lishi mumkin. IV guruxni bor yoki yo’qligi xaqidagi xulosa shu gurux kationlari analitik reaksiyalari bajarilganidan keyingina chiqariladi. V, VI,IV gurux kationlari aralashmasi cho’kmasini va eritmasining rangiga e’tibor beriladi. Mo’l miqdordagi ishqor va vodorod pereoksidi ta’sirida eritma sariq rangli bo’lsa, xrom (III) borligini ko’rsatadi. Isbotlash uchun nadxrom kislotasi xosil bo’lish reaksiyasi bajariladi.