Қ А Р О Р Қ И Л Д И М:
1. 17/1234-сонли жиноят ишини ўз юритувимга олиб, дастлабки терговни ўтказишга киришилсин.
2. Қарор нусхаси туман прокурорига юборилсин.
Туман прокуратураси
терговчиси
1-даражали юрист (имзо) Б.Бекжонов
23-намуна
Тергов гуруҳи тузиш ва дастлабки терговни терговчилар
гуруҳига топшириш ҳақида
Қ А Р О Р
____ йил _______ _______________
(кун, ой) (ҳудуд)
Миробод туман прокурори, адлия маслаҳатчиси А.Ахмедов, ушбу кун 15/1234-сонли жиноят иши материаллари билан танишиб, қуйидагиларни
А Н И Қ Л А Д И М:
“Миробод озиқ-овқат инсвест” МЧЖ раҳбари А.Саидов томонидан
2015-2017 йилларда аҳоли истеъмоли учун Вазирлар Маҳкамасининг
01.01.2014 йилдаги 177-сонли дастурига асосан давлат маблағлари ҳисобидан ун ва ёғ маҳсулотларини арзонлаштирилган нархларда етказиб бериш бўйича “Улгуржисавдоинвест” ДУК томонидан 01.01.2015 йилдан 2017 йилнинг сентябрь ойига қадар етказиб берилган жами 22.238.500.300 сўмлик маҳсулотларни гўёки аҳолига сотилганлиги тўғрисида сохта ҳужжатларни тузиб, ўзи томонидан норасмий бошқариб келинган “Миробод озиқ-овқат инвест” МЧЖ қошидаги шахобчалар орқали чиқим қилиб, Тошкент шаҳридаги озиқ-овқат бозорларида нақд пулга сотиб, сотувдан тушган пул маблағларини МЧЖ ғазнаси ёки ҳисоб рақамига кирим қилиш йўли орқали “Улгуржисавдоинвест” ДУК билан ўзаро ҳисоб-китобларни амалга оширмай, ўзига ишониб топширилган жами 22.238.500.300 сўмлик жуда кўп миқдордаги маблағларни ўзлаштириш ва растрата қилиш йўли билан талон-торож қилган.
Жиноят иши кўп меҳнат талаб этиши, жуда мураккаб ва ўта долзарблигини инобатга олиб, дастлабки тергов ҳаракатлари олиб боришни терговчилар гуруҳига топшириш лозим бўлади.
Бинобарин, Ўзбекистон Республикаси ЖПКнинг 354 ва 382-моддаларини қўллаб,
Қ А Р О Р Қ И Л Д И М:
1. 15/1234-сонли жиноят иши бўйича Миробод туман прокуратураси катта терговчиси С.Саидов раҳбарлигидаги гуруҳ аъзолари – туман прокуратураси терговчилари А.Ахмедов, Т.Темуров ҳамда СВОЖЖДЛҚК Департаментининг туман бўлими бошлиғи Ш.Шукуров ва инспектори М.Мўминовлардан иборат таркибда тергов гуруҳи тузилсин.
2. Жиноят ишини ўз иш юритувига олиш гуруҳ раҳбари С.Саидовга топширилсин.
Do'stlaringiz bilan baham: |
