ёнғин ўчириш хизмати (келгуси матнда - ЁЎХ) – Ёнғин хавфсизлиги хизмати (ЁХХ)нинг ёнғинларни бартараф этиш билан боғлиқ биринчи даражадаги авария-қутқарув ишларини бажаришга доимий шайлигини таъминлашга қаратилган фаолият тури бўлиб, гарнизон ва навбатчилик хизмати шаклида ташкил этилади.
Ёнғин хавфсизлиги гарнизони (келгуси матнда - гарнизон) – маълум бир ҳудудда жойлашган ЁХХнинг бошқарув органлари ва бўлинмалари, илмий-тадқиқот муассасалари ҳамда ёнғин-техник таълим муассасалари.
гарнизон хизмати – гарнизонларда ташкил этиладиган ва ЁХХ бўлинмаларининг ёнғинларни бартараф этиш, тиббий, авария таъмирлаш хизматлари билан ҳамкорлик қилишга доимий шайлигини таъминлашга қаратилган ЁЎХ тури.
ДЁХХнинг ҳудудий бошқарув органлари – Қорақалпоғистон Республикаси ИИВ, Тошкент шаҳар ИИББ, вилоятлар ИИБ ва объектларни ёнғиндан мухофаза қилувчи бошқармалар ДЁХХнинг ҳудудий бошқарув органлари ҳисобланади.
ДЁХХнинг маҳаллий бошқарув органлари – шаҳарлар ва туманлар ИИБ ёнғин хавфсизлиги бўлим (бўлинма)лари ёки отрядлари ДЁХХнинг маҳаллий бошқарув органлари ҳисобланади.
Ёнғин ўчириш штаби – гарнизондаги ЁХХ отрядлари ва қисмларининг куч ва воситаларини бошқариш, уларнинг доимий шайлигини назорат қилиш, зарурий маълумотларни тўплаш, уларни етказиш ва ЁХХнинг қисмлари орасида узлуксиз алоқани таъминлаш ҳамда авария таъмирлаш хизматлар билан ҳамкорликни таъминловчи ЁЎХ тури.
Навбатчи смена хизмати – ЁХХнинг қисмларини навбатчи сменалари шахсий таркиби тамонидан ташкил этиладиган, ушбу қисмнинг куч ва воситаларининг шайлигини таъминловчи ЁЎХ тури.
ЁХХнинг куч ва воситалари (келгуси матнда – куч ва воситалар) – ЁХХ шахсий таркиби, ЁХХда мавжуд бўлган ёнғин ўчириш ва бошқа маҳсус техникалар, бошқарув ва алоқа воситалари, ёнғин ўчирувчи моддалар ва бошқа техник воситалар.
Навбатчи смена – ёнғин хавфсизлиги қисмининг навбатчиликда бўлган шахсий таркиби, қисмнинг ёнғин ўчириш техникалари навбатчилик вақтида уларнинг ихтиёрида бўлади.
Do'stlaringiz bilan baham: |
