Ызбекистон республикаси олий ва

2-asosiy savol bo’yicha darsning maqsadi:
Shoir she’rlarida do’stlik va tinchlik tuyg’usining omuxta etib ifodalanganligi to’g’risida tushuncha berish.

Identiv o’quv maqsadlari:

1. 
   Do’stlik va tinchlik g’oyasi Ilyos Muslim she’rlarida qanday aks etganligi haqida so’zlab beradi.
   
2. 
   Shoir she’rlarida ozodlik bilan do’stlikning qudrati o’z ifodasini topganligini izohlaydi.
   

2-asosiy savolning bayoni:
Ilyos Muslimning qaysi asariga nazar tashlamang, unda davrimizning bolalar adabiyoti oldiga qo’ygan vazifalari kichkintoylar oldida turgan muhim ishlar tasvir markaziga qo’yilganini ko’rish mumkin. Masalan, «Maktabim» asarini olib ko’raylik. Unda dunyoda maktabdan aziz, mo’’tabar joy yo’q, go’yoki «ona kabi mehribon» bir makon, kishining savodini chiqaradigan, o’zini-o’ziga tanitadigan, ongi va aqliga aql qo’shadigan ulkan maskan, degan g’oya ilgari suriladi. Shuningdek, asarda bolaning maktabdan behad minatdorligi, o’zining oldida turgan bir qator vazifalar, el-yurtga sodiq farzand bo’lish uchun avvalo maktabda yaxshi va namunali o’qish kerakligi sodda va ravon misralarda ifodalab berilgan:
A’lo o’qishdir burchim,
Sarf etaman bor kuchim.
Ishlayman xalqim uchun,
Qadrdonim maktabim!
Shoir do’stlik va tinchlik tushunchasini kichik yoshdagi bola tasavvurida berib, ularni maktabgacha tarbiya yoshidanoq do’stlik ruhida tarbiyalashni asosiy vazifalardan deb biladi. Bu g’oyani tinchlik uchun kurash tuyg’usi bilan omuxta etib ifodalaydi. Ilyos Muslim «Sening sovg’ang» nomli she’rida o’z hunari bilan hammaning diqqatini tortgan chevar qizning lirik obrazini yaratadi. Shoirning «Eshmatvoyning qilig’i», «Yomon odat», «Befahm Eson», «Xolcha bilan olcha», «Mashmasha», «Grippdan kim qochadi?» singari yumoristik asarlarida ishyoqmas, dangasa, lapashang, o’z ustida ishlamaydigan bolalarning kamchiliklari, nuqsonlari ochib tashlanadi.


Muhokama uchun savollar:

1. 
   Shoir tinchilikning mohiyatini tushuntirishda kichik yoshdagi bolalar saviyasiga qanday yo’sinda tushuntiradi?
   
2. 
   Ilyos Muslimning yumoristik asarlarida bolalarning salbiy kamchiliklari qanday ochib tashlanadi?