Jahon amaliyotida oliy ta’lim tizimini moliyalashtirishning o‘ziga xos xususiyatlari

jihozlar, o‘quv-uslubiy materiallar, kompyuter va multimedia texnikalari,
videokuzatuv tizimlari bilan jihozlashni ta’minlash hamda umumta’lim muassasalarida
pullik xizmatlarni ko‘rsatish, shuningdek homiylik va xayriya mablag‘lari orqali
byudjetdan tashqari jamg‘armalarni shakllantirish amaliyotini joriy etish yo‘nalishlari
belgilandi. Shuningdek, 2030 yilgacha umumta’lim maktablarining moddiy-texnik
bazasini yaxshilash, xalq ta’lim tizimida raqobatni kuchaytirish chora-tadbirlari
tasdiqlangan
Maktab o‘quvchilarining bilimi va ko‘nikmalarini shakllantirish, ularni milliy
hamda umuminsoniy qadriyatlarga sodiqlik ruhida tarbiyalash, o‘qituvchi kasbi
nufuzini va pedagoglarning sifat tarkibini oshirish, darsliklar va o‘quv metodik
majmualarni zamon talablari asosida takomillashtirish, xalq ta’limi muassasalarining
xalqaro standartlarga javob beradigan zamonaviy modellarini barpo etish maqsadida,
shuningdek, 2022-2026 yillarga mo‘ljallangan Yangi O‘zbekistonning Taraqqiyot
strategiyasini «Inson qadrini ulug‘lash va faol mahalla yili»da amalga oshirishga oid
davlat dasturiga muvofiq O‘zbekiston Respublikasi Prezidentining “2022-2026
yillarda xalq ta’limini rivojlantirish bo‘yicha milliy dasturni tasdiqlash to‘g‘risida”
Farmoni qabul qilindi
2020 yilda davlat byudjeti xarajatlarining 51,5 foizini ijtimoiy xarajatlar tashkil
etgan bo‘lib, 65 048,5 mlrd so‘m miqdordagi tasdiqlangan parametrda 74 231,8 mlrd
so‘m hisobida ijrosi ta’minlandi. Ijtimoiy xarajatlar tarkibida sezilarli miqdordagi
mablag‘lar ta’lim sohasiga yo‘naltirilmoqda va yo‘naltirilishda davom etmoqda.
Ijtimoiy soha xarajatlari oshirilmoqda, 2021 yilda ushbu yo‘nalishlarga 86 622 mlrd
so‘m yoki jami xarajatlarning 52 foizi rejalashtirilgan. 2022 yilda davlat byudjeti