Ájiniyaz atındaǵı Nókis mámleketlik pedagogika institutı T. Т.Ótebaev, U. Q. Seytjanova, Т. A. Esemuratova

Qábilettiń jetekshi ózgesheligi dóretiwshilik penen elesletiw. Bul ózgeshelik tek ǵana súwrechige, matematika oqıtıwshısına, ádebiyattanıw oqıtıwshısına tán bolmastan, bálkim belgili bir pán oqıtıwshısına da tiyisli.
Hár qanday kásip sırların tolıq iyelew ushın qábilet kerek. Pedagogikalıq qábilet salamat oqıwshılarda ǵana qáliplesedi. Biraq ol joqarı, ortasha hám tómen dárejede bolıwı múmkin. Usı túrli dárejedegi qábiletlerge qamtılǵan qásiyetler hám ózgeshelikler arasında ayırımları járdemshi rol oynaydı.
Pedagogikalıq qábiletler sistemasına kiretuǵın járdemshi ózgeshelikler hám ózine tán belgiler tómendegilerden ibarat.
- aqıl-oydıń anıq túrleri, házirjuwaplılıq, kemshiliklerge kritikalıq itibar, batıl qádemlik;
- oqıtıwshınıń sóylewi, sózge sheberligi, sóz baylıǵınıń tereńligi;
- aktёrlıq ózgesheligi: mimika hám pantomimika, qıyalıy, fantaziya islete alıw, ruwxıy sezimin tıya biliwı;
- pedagogikalıq takt hám pedagogikalıq náziklikke iye bolıw.


Temanı ózlestiriw ushın sorawlar:
1. O.Matveeva táliymatı boyınsha oqıtıwshı qábileti neshe bólimnen ibarat?
2. Oqıtıwshınıń kásiplik xızmetine qábilettiń qanday áhmiyeti bar?
3. Ziyrek, talantlı, danalıq túsiniklerin táriplep beriń?
4. Kónlikpe hám tájiriybelerdiń qábiletke tásiri nede dep oylaysız?
5. Dóretiwshilik túsinigin táriplep beriń?
6. Talant hám qábilet túsiniklerine tárip beriń?
7. Qábiletke pedagogikalıq-psixologiyalıq kóz qarastan pikir beriń?
8. Shaxs qábileti hám tábiyiy talantlar neni ańlatadı?
9. Pedagogikalıq qábilettiń tiykarǵı sıpatları nelerden ibarat?
10. Qábilettiń ulıwma hám ornawlı túrleri hám onıń parqı?
11. Pedagogikalıq qábilettiń ózine tán ózgesheliklerin táriplep beriń?
12. Pedagogikalıq qábilettiń tayanısh hám jetekshi ózgeshelikleri?
13. Qábileciz oqıtıwshı bilimlendiriw mákemesinde jumıs islewi múmkin be?