Ájiniyaz atındaǵı Nókis mámleketlik pedagogika institutı T. Т.Ótebaev, U. Q. Seytjanova, Т. A. Esemuratova

Talabalardıń ózbetinshe tayarlıǵı ushın tapsırmalar
Tómendegi temalar tiykarında reje dúziń hám óz pikir-kóz karaslarıńızdı bildirip, «ózbetinshe jumıs» jazıń:
1. «Oqıtıwshınıń pedagogikalıq qábiletin qáliplestiriw imkaniyatları»
2. «Respublikamızdıń bilimlendiriw mákemelerinde oqıtıwshı qábiletin rawajlandırıw mashqalaları».
3-TEMA. KOMMUNIKATIVLIK KÓNLIKPELER HÁM TÁSIR KÓRSETIW

Oqıtıwshı iskerliginde tárbiyashılar menen pedagogikalıq baylanıslardıń úziliksizligi tárbiyanıń nızamlıqlarınan biri esaplanadı. Oqıwshılar menen tálim-tárbiyalıq baǵdarda unamlı baylanıslar ornatıw, unamlı ortalıqtı jarata alıw, ózine isendire alıw hám qaratıw – oqıtıwshı kommunikativlik qábiletiniń tiykarǵı mazmunı bolıp, bunda tikkeley oqıtıwshı menen baylanıslı bolǵan mıńlaǵan ruwxıy jaǵdaylar, belgili bir qálipten shıǵıwı múmkin bolmaǵan qarım-qatnas túrleri hám shártleri bar. Tárbiyanıń nátiyjeliligi oqıwshılar menen baylanıs ornatıwdıń forma hám usıllarına qatań boysınǵan halda ámelge asırılıwı menen belgilenedi. Tiykarǵı maqset, oqıtıwshı hám oqıwshı múnásibetinde májbúriy boysınıwshılıq ornın sanalı intizam iyelewi, oqıwshılarda erkin pikir júritiw kónlikpelerin payda etiwden ibarat.Oqıtıwshı tárbiya usılları sistemasın belgilep alǵannan keyin bir qatar baylanıs ornatıw wazıypaların rejelestiriwi kerek. Álbette, bul júdá qıyın jaǵday, biraq tárbiyanıń hár bir usılı, quramlıq bólegi hám shólkemlestiriwshi usılları qarım-qatnas arqalı baylanıs ornatıwdıń nátiyjeliligine baylanıslı. Bul jaǵday tikkeley oqıtıwshınıń pikir almasıwı (reflekciya) menen baylanıslı ózgesheliklerine, oqıwshı ruwxıy jaǵdayın pikir tezligi menen uǵıp alıw qábiletine pedagogikalıq tásir kórsetiwdin túrli usılların bir-biri menen óz-ara baylanısqan halda qollana biliwıine baylanıslı bolıp, olar úziliksiz qáliplesedi.

Oqıtıwshınıń pikir almasıwı menen baylanıslı kommunikativlik qábiletin jetilistiriwshi tiykarǵı ózgeshelikleri oqıwshı sanasına qaratılǵan iskerlik bolıp, júdá quramalı halatta qáliplesedi. Óz ara pikir almasıw (omillari) sebepleri menen tikkeley baylanıslı bolǵan kommunikativlik qábiletiniń tómendegi jónelisleri bar:
- oqıwshılardı isendiriw;
- oqıwshılar sanasına tásir etiw;
- ózgelerge eliklew