Ájiniyaz atındaǵı Nókis mámleketlik pedagogika institutı T. Т.Ótebaev, U. Q. Seytjanova, Т. A. Esemuratova

Kommunikativlik qábilet: Oqıtıwshınıń pedagogikalıq jámáát hám ata-analar, máhálle turǵınları menen bolatuǵın óz ara sáwbetke kirisiwde shın kewillik. Oqıtıwshı bunda psixologiyalıq bilimlerge iye bolıwı, qarım-qatnas mádeniyatın turaqlı ózinde qáliplestirip barıwı lazım.
Perceptiv qábilet: Sırtqı álemdi hám ortalıqtı seziw, tanıw, yaǵnıy bahalawshılıq áhmiyetli rol oynaydı. Oqıtıwshınıń iskerligi nátiyjesinde rawajlanadı, qáliplesip baradı. Oqıtıwshı oqıwshınıń psixologiyasın, psixikalıq jaǵdayın ózine sińdirip júzege shıǵaradı. Klass jámáátiniń jaǵdayına pedagogikalıq jaǵdayǵa ádillik penen baha beredi.
Empatikalıq qábilet: Balalarǵa bolǵan muhabbattan kelip shıǵatuǵın okıwshılardıń sezimin, psixologiyalıq jaǵdayların qálbinen seziw, túsiniw, ańlaw, olarǵa ashınıw ózgeshelikleri.
Tálim procesin tártipke salıw qábileti: Oqıtıwshı óz bilimin oqıwshı sanasına hám oyına kem kúsh sarplaw esabına jetkize alıw, tálim hám tárbiyada belgilengen múddette maqsetke erisiw qábileti.
Didaktikalıq qabilet: Oqıwshılar menen sáwbetleskende, pedagogikanıń tálim hám tárbiyalıq nızamlıqların hám de metodların tereń ózlestirgen halda nátiyjeli sabaq beriw qábileti.
Shólkemlestiriwshilik qábileti: Pedagogikalıq qábilettiń quram bólegi. Ol klass oqıwshılarınıń oqıtıwshı tárepinen túrli jámáát islerine, dógereklerge qatnastıra alıwında, klass jámáátiniń hár bir oqıwshıǵa jedel jaǵdaydı támiyinlep beriwinde kórinedi.
Konstruktivlik qábilet: Oqıtıwshınıń oqıw-tárbiyalıq xızmetin puxta rejelestiriwi tiykarında júzege keletuǵın kásiplik pedagogikalıq jaǵday basqıshların aldın ala kóre alıw.
Biliwı qábileti: Oqıtıwshınıń óz pánin hám basqa pánlerdi tereń biliwıde, ózlestiriw hám ámeliyatta qollanıw.
Ańlaw (túsiniw) qábileti: Oqıtıwshınıń ziyrekligi hám shaqqanlıǵı, waqıya hám hádiyselerdi tereń úyrenip, olarǵa jaqsı múnáibette bolıwı.
Pedagogikalıq qábilettiń tayanısh ózgeshelikleri bahalawshılıq - kóre biliwı kónlikpesi. Bul – individual nárseniń ózine tán tárepi, dóretiwshilik xızmet ushın baslanǵısh materialdı kóre biliwıi bolıp esaplanadı. Súwrechiniń baqlawı tábiyat penen qızıqqan alımnıń baqlawınan parq qılıwı óz-ózinen belgili. Olardıń baqlawı túrlishe jóneliste bolǵanlıǵı sebepli, hár biri óz pikirine, dúnyaqarasına iye. Oqıtıwshınıń baqlawı oqıwshılar jámáátin tálim