Ájiniyaz atındaǵı Nókis mámleketlik pedagogika institutı T. Т.Ótebaev, U. Q. Seytjanova, Т. A. Esemuratova

OQÍTÍWSHÍNÍŃ PEDAGOGIKALÍQ ISKERLIGINIŃ QURAMLÍQ BÓLIMLERI









Pedagogikalıq xızmettiń maqseti





Pedagogikalıq xızmettiń obekti hám subekti





Pedagogikalıq xızmettiń quralları

1.1-keste

Pedagogikalıq procestiń áhmiyetin ańlamaǵan, balaǵa tereń húrmette bolmaǵan oqıtıwshı tálim-tárbiya nátiyjeliligi hám insan kamalatın támiyinlewshi pikirge iye bolmaydı. Pedagogikalıq procestiń wazıypası bilim beriw, tárbiyalaw bolıp, oqıtıwshılardıń iskerlik qaǵıydaların belgilep beredi. Oqıtıwshılardıń iskerligi pedagogikalıq procestiń háreket quralı esaplanadı. Pedagogikalıq procestiń obektleri bolǵan tárbiyalaniwshı insanǵa, oqıwshı hám oqıwshılar toparına hám ayrıqsha oqıwshıǵa, pedagogikalıq procestiń subektleri – ata-analar, oqıtıwshılar, tárbiyashılar, klass toparı, pedagogikalıq jámáát juwapker hám olar jámiyet talapları tiykarında tálim hám tárbiya beriw iskerligin orınlaydı. Oqıtıwshınıń pedagogikalıq iskerliginde unamlı nátiyjelerge erisiwi, miynet uqıplılıǵın, yaǵnıy iyelegenbilimlerin óziniń turmıslıq hám ámeliy iskerliginde qanshelli qollana biliwıi menen belgilenedi.
Oqıtıwshılardıń pedagogikalıq iskerligi nátiyjeli bolıwı ushın zárúr bolǵan qábiletler sistemasın: bilim, balanı túsine alıw, baqlawshılıq, sóylew uqıplıǵı, shólkemlestiriwshilik, keleshekti kóre biliwı, dıqqattı bólistirip alıw, júzege keliwi múmkin bolǵan hár qıylı qarama-qarsılıqlardıń óz waqtında aldın alıw, oqıwshılardı bilim alıwǵa qızıqtırıw sıyaqlılar quraydı.
Bul pánniń mazmunı, kásipke tiyisli tapsırma hám wazıypalardı sheshiw ushın oqıw–tárbiya procesin basqarıw, oǵan basshılıq etiwde pedagogikalıq-psixologiyalıq táliymat kóz-qarasınan qarap, tálim-tárbiyanı milliy dástúrlerimiz ruwxında zamanagóy metodlar tiykarında modellestiriw, oqıw-tárbiyalıq proceste aldıńǵı pedagogikalıq texnologiyalardı qollanıw ushın oqıtıwshı sheberliginiń zárúrligi haqqında maǵlıwmatlar hám olardı rawajlandırıw sistemaları orın alǵan.
Usıǵan baylanıslı, “Pedagogikalıq sheberlik” páni kásipke tiyisli bilim hám qábiletlerdi oqıtıwshılarda qáliplestirip, dóretiwshilikti tárbiyalaw, sheberlik, kónlikpe hám uqıplıqlardı iyelewi ushın, pedagogikalıq texnika, pedagogikalıq birge islesiw, pedagogikalıq ádep, sóylew mádeniyatı haqqında maǵlıwmatlar berip baradı.